უეინ რუნის ყოფილმა თანაგუნდელმა, პოლ სქოულზმა განაცხადა, რომ "შრეკმა" უკან მოიტოვა საუკეთესო წლები. წითური პრინცი წერს: "რუნის ფორმის პიკი გაცილებით ადრეულ ასაკში ჰქონდა, ვიდრე ამჟამინდელ ფეხბურთელებს აქვთ ძირითადად. ეს წლები უმრავლესობისთვის 27-28 წლებია, თუმცა მან 2011-2012 სეზონში 27 გოლი გაიტანა, როდესაც იგი 26 წლის იყო."

ჯერარდი, რომელსაც დღეს დაბადების დღე აქვს და გვიან ღამით კი ამხანაგური მატჩი პერუსთან, რუნის გამოექომაგა. "სქოულზი ცდება." აცხადებს სტივენი. "მე მიმაჩნია, რომ რუნი საუკეთესო იყო ამ სეზონში "მანჩესტერ იუნაიტედის" რიგებში. რუნი შესანიშნავ ფორმაშია. მე შესაძლოა სუბიექტურად ვმსჯელობდე, მაგრამ რაც ვნახე ის არის, რომ უეინის ფორმა მართლაც რომ შესამჩნევად კარგია."

სქოულზმა ასევე ისაუბრა რუნის ცუდ რეკორდზე, რომელიც 0 გატანილ გოლს ითვლის 2 მსოფლიო ჩემპიონატზე. უეინმა მხოლოდ 8 თამაში ჩაატარა 2ვე ჩემპიონატზე, ჯამში და ახლა ყველაფერს აკეთებს იმისთვის, რომ ბრაზილიაში სრულიად მობილიზებული გაემგზავროს. ჯერარდმა არც ეს დატოვა უკომენტაროდ და თანაგუნდელს თავდაუზოგავი მუშაობა შეუქო: "ის მთელი კვირის განმავლობაში კარგად ვარჯიშობდა და გადაწყვიტა დამატებითი ერთი კვირა ინდივიდუალურად ემუშავა."

"ვფიქრობ, რომ გონებაში ცუდად დარჩა განვლილი 2 მუნდიალი, ახლა კი ყველაფერს აკეთებს შედეგის გასაუმჯობესებლად. მოხარული ვარ რომ ასეთ მოტივირებულს ვხედავ." - აცხადებს ჯერარდი. უეინ რუნი აგრეთვე "დაიცვა" ინგლისის ნაკრების მთავარმა მწვეთვნელმა, როი ჰოჯსონმა: "მე მჯერა მისი (რუნის). ის ჯერ კიდევ ახალგაზრდაა და საუკეთესო წლები უკან არ მოუტოვებია."

"მე ის 23 კაციან განაცხადში დავასახელე და ამით ვამაყობ კიდეც. ნამდვილი შეხედულებები, რომლსაც ყურადღება უნდა მიაქციო ეს გუნდის თანაგუნდელების და მწვრთვნელების მიერ თქმულია. აგრეთვე არის განცხადებები, რომელიც შეგვიძლია გავაკონტროლოთ, ანუ ჩვენი, და რომლებიც არა, ანუ მათი ვინც ნაკრების წევრები არ არიან. იმედი მაქვს ჩვენ სწორი გადაწყვეტილებები მივიღეთ და ტურნირი კარგად წარმიმართება."

წითურმა პრინცმა აგრეთვე ისიც განაცხადა, რომ ჰოჯსონს არ ეყოფა სიმამაცე, დაასვენოს რუნი, თუ იგი კარგად ვერ იასპარეზებს ბრაზილიაში. "ლივერპულის" ყოფილმა მწვრთვნელმა არც ეს განცხადება დატოვა უპასუხოდ: "იქიდან გამომდინარე, რომ მე დიდი ხნის განმავლობაში ვარ და ვიყავი მწრვთვნელი, მაქვს უნარი მივიღო ისეთი გადაწყვეტილებები, როგორიც საჭიროა." - დაასრულა როიმ.

წყარო: SkySPORTS