"მანჩესტერ იუნაიტედის" მცველი, კრის სმოლინგი თვლის, რომ ინგლისის ნაკრებს აქვს უნარი მსოფლიო ჩემპიონატი უმაღლეს დონეზე ჩაატაროს, მიუხედავად იმისა, რომ ბრაზილიაში რთული კლიმატური პირობებია.
"ვარჯიშებზე ოთხმაგი ტანსაცმელი გვაჩვია, რაც ბრაზილიაში არსებულ კლიმატურ პირობებთან გვაჩვევს. მგონი ეს ყველაფერი გვეხმარება. იმედი მაქვს ადგილობრივი კლიმატისთვის მზად ვიქნებით და ეს ვერ შეგვიშლის ხელს პირველობაზე წარმატებით გამოსვლაში"
"ჩვენს გუნდში შესანიშნავი ფეხბურთელები ირიცხებიან და გუნდს დიდი პოტენციალი აქვს. თუ კი საუკეთესო მხრიდან ვაჩვენებთ თავს, რაც ნამდვილად შეგვიძლია, ვინ იცის რამდენად შორს გავალთ?"
"ძალიან მომწონს როი ჰოჯსონთან მუშაობა. ის ბევრ დროს უთმობს ფეხბურთელებთან საუბრებს და ყოველთვის შეგიძლია მას რჩევით მიმართო. ძალიან ბევრს ვვარჯიშობ და ვცდილობ ყველაფერი გავაკეთო, რათა მისი ძირითადი არჩევანი ვიყო ცენტრალური მცველის პოზიციაზე" - განაცხადა სმოლინგმა.