გუშინ, ადნან იანუზაიმ ბელგიის ნაკრების მაისურით "ლუქსემბურგის" წინააღმდეგ სადებიუტო მატჩი გამართა. ახალგაზრდა ტალანტმა ჟურნალისტებს შთაბეჭდილებები გაუზიარა.
ადნანმა ბელგიის ნაკრებში თამაში გასული თვის ბოლოს გადაწყვიტა. მისი დებიუტი კი გუშინ შედგა. მარკ უილმოტსის შეგირდებმა მეტოქე 5-1 დაამარცხეს. მატჩში მონაწილეობა "იუნაიტედის" კიდევ ერთმა ფეხბურთელმა, მარუან ფელაინიმ მიიღო, რომელმაც ერთი საგოლე გადაცემა მიითვალა.
მატჩის შემდეგ იანუზაიმ მცირე კომენტარი გააკეთა:
"მე მოედანზე თითქმის 45 წუთი დავყავი, რაც ჩემთვის საკმარისია. მომავალში ძალიან მინდა, ჩემი თამაშით მაყურებლების გული მოვიგო. მე სრულებით არ ვნერვიულობდი, რადგან 80 000 კაციან "ოლდ ტრაფორდზე" თამაშს შეჩვეული ვარ. ძალიან ბედნიერი ვარ, რომ ჩემი დებიუტი შედგა."-განაცხადა ადნანმა