"მანჩესტერ იუნაიტედის" ახალი მწვრთნელი, ლუი ვან გაალი, დიდ ინტერესს იჩენს გერმანიის ეროვნული ნაკრებისა და "ბაიერნის" ნახევარმცველის ბასტიან შვაინშტაიგერის მიმართ.

შეიძლება ლუი ვან გაალმა ნამდვილად ამოწერა ტონი კროოსი და ცესკ ფაბრეგასი სიიდან, მაგრამ შვაინშტაიგერი "იუნაიტედის" სასურველ ფეხბურთელად ითვლება და კლუბი მის ყიდვას აპირებს, გვამცნობს Daily Mail.

გერმანულ წყაროებზე დაყრდნობით, ხოსეპ გვარდიოლა მზადაა "იუნაიტედის" შეთავაზება განიხილოს. თვითონ, ბასტიანიც, რომელიც 29 წლისაა, მზადაა ახალი გამოწვევებისთვის.

მოსალოდნელია, რომ "ბაიერნი" თავისი ვარსკვლავის სანაცვლოდ 10 მილიონს მოითხოვს. პრობლემა შეიძლება შვაინშტაიგერის ხელფასი გახდეს, რადგან ახლა ის თითქმის 8 მილიონ ფუნტს იღებს წელიწადში.

წყარო:http://fapl.ru