"მანჩესტერ იუნაიტედის" თავდამსხმელი, დენი ველბეკი აცხადებს, რომ როდესაც "იუნაიტედის" ახალმა და აწ უკვე ყოფილმა მწვრთნელმა - დევიდ მოიესმა მას ვინგერის პოზიციაზე თამაში სთხოვა, ინგლისელი ფორვარდი უკმაყოფილო დარჩა.
გასულ სეზონში ველბეკი 24 ჯერ გამოვიდა მინდორზე და 11 გოლიც გაიტანა. მაგრამ დანის იშვიათად უხდებოდა თავის საყვარელ პოზიციაზე, ცენტრალური თავდამსხმელის ადგილას თამაში.
ამასთან დაკავშირებით ბევრი მითქმა-მოთქმაც გავრცელდა, თითქოსდა ინგლისელი ზაფხულის სატრანსფერო ფანჯრის დროს "ოლდ ტრაფორდიდან" გადაბარგდებოდა. მაგრამ ახლა დანი დიდ იმედს იტოვესბ, რომ ლუი ვან გაალის და როი ჰოჯსონის მეშვეობით, ის თავის პოზიციას დაუბრუნდება.
"ეს ცოტა არ იყოს გამაღიზიანებელია, შენ გსურს შენს პოზიციაზე თამაში, მაგრამ ამას ვერ აკეთებ. ეს ყველას დაემართება, თუ თქვენთვის უცხო პოზიციაზე დაგაყენებენ. მე თავდასხმის ცენტრში ვისურვებდი თამაშს. გარკვეული პერიოდი მარცხნიდან ვთამაშობდი, მაგრამ ახლა მინდა ჩემი ადგილი დავიბრუნო და ისევ ცენტრალური თავდამსხმელის პოზიციაზე დავდგე."
"ჩემი შედეგიანობა ინგლისის ნაკრებში განპირობებულია იმით, რომ იქ თავს უფრო თავისუფლად ვგრძნობ, რადგან ნახევარდაცვაში სამი ფეხბურთელი დაგს და ასევე თავდასხმაშიც. აქ უფრო ბერვი ფეხბურთელია, რომელიც შენ დაგაზღვევს და შეNტვითონ არ მოგიხდება ამის ხშირად გაკეთება."
"იუნაიტედში" უფრო ხშირად მარცხენა ფლანგზე მიყენებდნენ, როგორც ერთ-ერთ ვინგერს ოთხი ნახევარმცველიდან. ეს ჩემთვის რთული გასაკეთებელია, რადგან საჭიროა ბევრი სირბილი და დაცვაზე ფიქრიც, ამავდროულად მიყვარს გოლების გატანაც და ესეც მირთულებდა საქმეს." - აცხადებს ველბეკი Sky Sports-თან.