რუუდ გულიტი თვლის, რომ უეინ რუნი იყო ერთ-ერთი იმ ფეხბურთელთაგანი, ვინც წინა სეზონი ცუდად ჩაატარა.
"ნიუკასლისა" და "ჩელსის" ყოფილი მწვრთნელის აზრით, რუნისა და ვან გაალის ურთიერთობა ძალიან საინტერესო ხასიათს მიიღებს.
"ინტერესით დავაკვირდები თუ როგორ განვითარდება მოვლენები უეინ რუნისა და ლუი ვან გაალს შორის. რუნი ერთ-ერთი უმნიშვნელოვანესი ფეხბურთელია, რომელმაც ეს სეზონი ცუდად ჩაატარა. ასე, რომ როგორი იქნება მათი (რუნისა და ვან გაალის) საუბარი?" - აცხადებს რუუდ გულიტი.
რუნიმ სეზონში 17 გოლი გაიტანა, მაგრამ ჰოლანდიელს სჯერა, რომ კაპიტნის სამკლაურს რობინ ვან პერსი მიიღებს.
გულიტმა შარშან აღნიშნა, რომ ვან გაალის "ტოტენჰემში" გადასვლა "ზედგამოჭრილი შეთანხმება" იყო, მაგრამ გულიტი თვლის, რომ ვან გაალი იდეალური იქნება "იუნაიტედისთვისაც".
"იმ მდგომარეობაში, როგორშიც "იუნაიტედი" იმყოფება, ვან გაალი სწორი არჩევანია."
"მას წარსულში მდიდარი გამოცდილება აქვს, რაც მიღწეულმა წარმატებებმა მოუტანა"