გამოსამშვიდობებელი ინტერვიუს დროს ნემანია ვიდიჩმა "იუნაიტედის" გულშემატკივრების რამდენიმე კითხვას უპასუხა.
ამბობენ, რომ სათამაშო სტილით თქვენ "იუნაიტედის" ლეგენდას, სტივ ბრიუსს ჰგავხართ. ოდესმე გიყურებიათ მის თამაშზე?
არა, არ მინახავს, მაგრამ ვიცი, რომ კლუბისთვის ბევრი გააკეთა. ბევრისგან მსმენია, რომ ბუნებით იგი ლიდერია იყო და გარი პალისტერთან ერთად ის შესანიშნავ კავშირს ჰქმნიდა. მას რამდენიმეჯერ შევხვდი, როცა იგი სხვა კლუბებს წვრთნიდა და ამ კლუბებში მან შესანიშნავი საქმე გააკეთა.
ვინ მოიგებს მსოფლიო ჩემპიონატს? ყველაზე დიდი შანსი ესპანეთსა და გერმანიას აქვთ. ისინი ხშირად ასპარეზობენ ასეთ შეჯიბრებებზე, მაგრამ ყველაფერი ხდება და არც მე ვარ კარგი პროგნოზისტი.
რას ფიქრობთ ცენტრალურ მცველებზე, რომლებიც თქვენი წასვლის შემდეგ რჩებიან კლუბში?
მე მათთან ერთად მივარჯიშია და შემიძლია ერთი რამ დანამდვილებით გითხრათ - მათ ყველაფერი აქვთ, რათა ტოპ ფეხბურთელებად იქცნენ. მჯერა, რომ ფილ ჯონსი, ჯონი ევანსი და კრის მოსლინგი კიდევ 7-8 წლის განმავლობაში იქნებიან კლუბის ცენტრალური მცველები. ვფიქრობ მათ უნარიც აქვთ და შესაძლებლობაც, რომ განვითარდნენ.
თქვენს თანაგუნდელებთან იმეგობრებთ?
რა თქმა უნდა რამდენიმე მათგანთან მექნება კავშირი, ჩემი თაობის ბიჭებთან. მაგალითად ვან დერ სარი - შესანიშნავი ადამიანია და ბედნიერი ვარ, რომ მას ყველაფერი კარგად მისდის "აიაქსში". რა თქმა მოთამაშეებთან და კლუბში მომუშავე ბევრ კარგ ადამიანთან მექნება კონტაქტი.