"მანჩესტერ იუნაიტედი" მზად არის გაყიდოს ხუან მატა 40 მილიონის სანაცვლოდ, წერს ესპანური გამოცემა AS. "ბარსელონას" ახალ მწვრთვნელს ლუის ენრიკეს ძალიან იზიდავს მატას თამაშის სტილი და სატრანსფერო პერიოდის დროს მის შეძენას შეეცდება.
ლუის ვან გაალი ჯერ არ ჩქარობს ხუან მატას გაყიდვას, რადგან სხვა წინადადებებსაც ელოდება. თუმცა, თუ ესპანელის გაყიდვა უკვე გადაწყვეტილი აქვს ეს მალევე უნდა მოხდეს, რადგან აგვისტოში ახალი სეზონი იწყება.
ხუან მატა "იუნაიტედს" იანვარში შეუერთდა და გულშემატკივართა გულების მოგებაც მოახერხა. მცირე დროში მან ძალიან მნიშვნელოვანი გოლები გაიტანა, მისი ბლოგზე კი ყოველ ორშაბათს ახალი სიახლეები იწერება, სადაც კარგად ჩანს თუ როგორ უყვარს მატას "მანჩესტერ იუნაიტედი". თუმცა, ვან გაალს სხვა სადარდებელი აქვს. ესპანელი ჰოლანდიელის სასურველ ტაქტიკაში არ ჯდება, შეგახსენებთ, რომ ვან გაალს 4-3-3 მონახაზი იზიდავს.