"მანჩესტერ იუნაიტედი" ფიქრობს "დნეპრის" ნახევარმცველის, ევგენიი კონოპლიანკას ყიდვას. ტრანსფერის სანაცვლოდ 12 მლნ. ფუნტის გადახდა იქნება საჭირო.
ბოლო პერიოდში "იუნაიტედის" სკაუტები აქტიურად აკვირდებიან ევგენის. მაგალითად, ისინი შემჩნეულ იქნენ "დნეპრის" უკანასკნელ თამაშზე, რომელიც უკრაინულმა კლუბმა "მეტალურგის" წინააღმდეგ გამართა.
24 წლის უკრაინელის მიმართ ინტერესს "ლივერპული" და "შალკეც" ავლენენ. "დნეპრის" გენერალურმა დირექტორმა, ანდრეი სტეცენკომ განაცხადა, რომ ევგენის გაყიდვა სრულიად რეალურია.
"მას ინგლისური, ესპანური და გერმანული კლუბები აკვირდებიან. კონკრეტული შეთავაზება, ისეთი როგორიც "ლივერპულმა" გააკეთა, ჯერ-ჯერობით არ ყოფილა. თუ ასეთი რამ მოხდება, მის შეჩერებას ვერავინ შეძლებს, რადგან მის კონტრაქტში ნათლად არის აღნიშნული, რომ მისი ყიდვა ნებისმიერ კლუბს შეუძლია, თუ კი კონკრეტულ თანხას - 15 მლნ. ევროს გადაიხდის"
"ლივერპული?" ასე გეტყვით: მას შემდეგ რაც მოლაპარაკებები შევწყვიტეთ, ისინი ჩვენთან კონტრაქტზე არ გამოსულან" - განაცხადა სტეცენკომ.
როგორც The Guardian - ი ამტკიცებს, კონოპლიანკას მოსწონს "იუნაიტედის" ვარიანტი და სწორედ "ოლდ ტრაფორდზე" სურს გადასვლა. შესაძლოა ლუი ვან გაალმა ამ ტრანსფერს მხარიც დაუჭიროს.