გამოცემა Manchester Evening News აქვეყნებს ცნობას იმის შესახებ, თუ რამოხდა ოთხშაბათს საღამოს ღვინის ბარში "მანჩესტერ იუნაიტედის" ყოფილი მწვრთნელის, დევიდ მოიესსა და ბარის სტუმარს შორის.

შეგახსენებთ, რომ წუხელ გავრცელდა ინფორმაცია იმის შესახებ, რომ დევიდ დევიდ მოიესი პოლიციამ დაკითხა. მას ბრალი ედება ადამიანის ცემაში.

მოიესის მსხვერპლი 23 წლის ჯოშუა ჯილიბრანდი გახდა. ის სახლში თავისი ფეხით მივიდა, მაგრამ მოგვიანებით მისი ძმა იძულებული გახდა ადგილობრივ საავადმყოფოში გადაეყვანა.

"ჯოშუა ბარში მეგობარს ხვდებოდა და იქ დევიდ მოიესი შეამჩნიეს. მან (ჯოშუამ) მოიესს უთხრა:"დევიდ, აქ რას აკეთებ?"

"დევიდმა კი ეს შეურაცხყოფად მიიღო და მას უთხრა, რომ თავი დაენებებინა (f*** off). შემდეგ კი ზურგიდან თავში ჩაარტყდა ჯოშუა იატაკზე აღმოჩნდა. პოლიცია ადგილზე რამდენიმე წუთში მივიდა. ბარში ბევრი მოწმე იყო და არსებობს სამეთვალყურეო კამერებიც"

"ჯოშუამ სამი დარტყმა მიიღო თავში. თქვა, რომ ზურგიდან ურტყამდნენ. ეს არ იყო პროვოკაცია. საბოლოოდ კი იატაკზე აღმოჩნდა" - აცხადებს ჯოშიას უფრო ძმა, ოლივერ ჯილიბრანდი.

თუმცა არსებობს სხვა ვერსიაც. მოიესის მეგობარი, რომელიც ანონიმურობას ინარჩუნებს, აცხადებს, რომ ჯილიბრანდისთვის არავის დაურტყამს.

"დევიდი ორ მეგობართან ერთად ვახშმობდა და შემდეგ, როცა ბარიდან გამოვიდა, ორმა ბიჭმა "მანჩესტერ იუნაიტედის" გამო შეურაცხყოფა მიაყენა"

"დევიდმა ერთ-ერთ მათგანს საყელოში ჩაავლო ხელი, მაგრამ არ დაურტყამს მისთვის. პოლიციის ავტომობილი იქვე იდგა, ამიტომაც მალევე მოვიდნენ შემთხვევის ადგილზე, თუმცა არავინ არ დაუჭერიათ და არც გაუფრთხილებიათ" - აცხადებს დევიდ მოიესის მეგობარი.

fapl.ru