theguardian - ის მტკიცებით ტომას მიულერი კლუბს არ შეიცვლის.
"მანჩესტერ იუნაიტედმა" კიდევ ერთი მარცხი განიცადა "ბაიერნის" ნახევარმცველის, ტომას მიულერის ტრანსფერის აღსრულებაში. არც მიუნხენის "ბაიერნს" და არც ტომას მიულერს არ სურთ ერთმანეთთან განშორება.
გარდა ტომას მიულერისა ლუი ვან გაალი "ბარსელონას" ესპანელი ნახევარმცველით, ცესკ ფაბრეგასითაც ინტერესდება, თანაც იმ ფონზე, რომ ჰოლანდიელმა სპეციალისტმა მიულერის თანაგუნდელის, ტონი კროოსის ტრანსფერი შეაჩერა.
მიულერს ვან გაალთან მუშაობის დიდი გამოცდილება აქვს, რადგან სწორედ "ბაიერნში" მუშაობისას მისცა ლუიმ შანსი ტომას მიულერს. ვან გაალის გადაწყვეტილებამ ტომას მიულერს საშუალება მისცა 2010 წლის მსოფლიო ჩემპიონატის მონაწილე ყოფილიყო, სადაც გერმანელმა დაამტკიცა, რომ ერთ-ერთი საუკეთესო იყო.
მიუხედავად იმისა, რომ პეპ გვარდილლას "ბაიერნში" მიულერს არც თუ დიდი დრო ეძლევა სათამაშოდ, მას მაინც სურს კლუბში დარჩენა.
"ბაიერნს" რომლის რიგებშიც მიულერმა 13 გოლი გაიტანა წლევანდელ სეზონში, ასევე სურს, რომ მიულერი კლუბში დარჩეს, რადგან ის მომავლის იმედად ითვლება და მას 2017 წლამდე აქვს კონტრაქტი.
ვან გაალის პირველი გადაწყვეტილება "მანჩესტერ იუნაიტედის" მთავარი მწვრთნელის პოსტზე, ტონი კროოსის ტრანსფერის დაბლოკვა იყო.
თუმცა "იუნაიტედი" კვლავ ინარჩუნებს ინტერესს ფაბრეგასის მიმართ.
theguardian