"მანჩესტერ იუნაიტედის" თავდამსხმელი, უეინ რუნი დარწმუნებულია, რომ ლუი ვან გაალის და მისი ასისტენტის, რაიან გიგზის ტანდემი ახალ ეპოქას შექმნის "იუნაიტედის" ისტორიაში.
ცოტა ვინმე თუ წარმოიდგენდა, რომ სერ ალექს ფერგიუსონის 27 წლიანი მუშაობის შემდეგ ასეთი სეზონი ექნებოდა "იუნაიტედს".
მას შემდეგ რაც ფერგიუსონის შემცვლელმა, დევიდ მოიესმა "იუნაიტედს" საშინელი სეზონი "აჩუქა", საქმის გამოსწორება ლუი ვან გაალს მიანდეს.
ლუი ვან გაალი თავის მოვალოებას მსოფლიო ჩემპიონატის შემდეგ დაიწყებს და რუნი დარწმუნებულია, რომ ყველაფერი კარგად იქნება.
"ვფიქრობ ეს შესანიშნავი გადაწყვეტილებაა. ჩემი აზრით ბოლო რამდენიმე კვირის განმავლობაში ყველამ იცოდა, რომ გუნდს ლუი ვან გაალი ჩაიბარებდა და გამოცდილება, რომელიც მას ევროპის მასშტაბით აქვს, უბრალოდ ფანტასტიურია"
"მან რამდენიმე დიდებული თასი მოიგო და შესანიშნავია, რომ ის ახლა ჩვენთან არის დაკავშირებული"
"ნამდვილად დიდებულია, რომ რაიან გიგზი იქნება ნომერი მეორე. ეს ამაღელვებელია და ეს პერიოდიც ამაღელვებელი იქნება კლუბისთვის" - განაცხადა უეინ რუნიმ.