"მანჩესტერ იუნაიტედის" ცოცხალი ლეგენდა, პოლ სკოულზი თვლის, რომ რუნიმ საუკეთესო მხრიდან უნდა წარმოაჩინოს საკუთარი თავი მსოფლიო ჩემპიონატზე.

"ასეთი კატასტროფული სეზონით მხოლოდ დავიდ დე ხეა თუ იქნება კმაყოფილი. მხოლოდ მასთან, ერთადერთთან არ გვაქვს რამე პრეტენზია. როცა გუნდის წლის საუკეთესო ფეხბურთელი მეკარე ხდება, ეს უკვე კარგად აჩვენებს კლუბის მიერ ჩატარებულ სეზონს. ასეთი წარუმატებელი სეზონის შემდეგ, საერთაშორისო არენაზე ნაკლებად ინტერესდებიან "იუნაიტედის" ფეხბურთელებით. მათ შორის უეინ რუნითაც. ეს მისთვის სასარგებლო უნდა იყოს. მას შესანიშნავი შედეგები აქვს სანაკრებო დონეზე და თუ მას სურს დაამტკიცოს, რომ ის ერთ-ერთი საუკეთესო ფეხბურთელია მსოფლიოში - მუნდიალი ამისთვის შესანიშნავი საშუალება იქნება."

"უეინის საუკეთესო თვისებაა, ის რომ მას ყოველთვის სურს ფეხბურთის თამაში. ამაში ის პატარა ბავშვს ჰგავს. მას ყოველთვის სურს ვარჯიში და თამაში - რაც ჩვენს დროში ძალიან დიდ იშვიათობად იქცა. ის - ძველი სკოლაა და ნამდვილად უდიდეს სიამოვნებას იღებს ფეხბურთელის სამუშაოსგან. იმისათვის, რომ მისგან საუკეთესო შედეგები მიიღოს მწვრთნელმა, უნდა უთხრას:"უეინ, ნუ დატვირთავ თავს დაცვაში მუშაობით. გამწვავებაზე ითამაშე". ასეთ შემთხვევაში ის საუკეთესო მხრიდან წარმოაჩენს თავს."

პოლი ასევე "იუნაიტედსაც" შეეხო და გამოთქვა აზრი იმის თაობაზე, თუ ვის მოიყვანდა, ასეთი საშუალება რომ ჰქონდეს:

"ახლა კლუბში ლუი ვან გაალი მოვიდა და მის წინაშე სერიოზული მიზანი, კლუბის მწვერვალზე დაბრუნება დგას. ედ ვუდვორდს კი შესანიშნავი შესაძლებლობა აქვს გვაჩვენოს, თუ რა შეუძლია, როგორც აღმასრულებელ დირექტორს. მან უნდა მოიყვანოს ის მოთამაშეები, რომელთა ხილვაც მწვრთნელს სურს. თუ ისევე არ გამოგვივა, როგორც წინა წელს, მაშინ აზრი არ აქვს მაღალ ადგილზე ფიქრს."

"პირველი ფეხბურთელი, რომელსაც მე მოვიყვანდი, არის ტონი კროოსი - ის შესანიშნავი ნახევარმცველია, რომლის ყიდვასაც აუცილებლად უნდა ვეცადოთ. საერთოდ კი კლუბს 5-6 ახალწვეული სჭირდება, რომელიც გუნდის თამაშს გააძლიერებდა."

redevils.ru