როი ჰოჯსონმა "მანჩესტერ იუნაიტედის" ცენტრალური მცველის, ფილ ჯონსის ჯანმრთელობის მდგომარეობაზე ისაუბრა. მან მხრის მცირე დაზიანება მიიღო "ჰალ სიტისთან" შეხვედრაში, რის გამოც მუნდიალის გამოტოვების საფრთხე გაჩნდა. თუმცა როი ჰოჯსონის თქმით იგი კარგ მდგომარეობაშია.
"ძალიან სასიამოვნო იყო ფილის ნახვა, რომელიც მსუბუქ ვარჯიშებს დაუბრუნდა. ის ძალიან კარგად ვარჯიშობდა და იმედი გვაქვს, რომ კვირის ბოლოს უფრო მძიმე დატვირთვებს მიიღებს."
ნაკრების რამდენიმე წევრი, პირველ რიგში კი ლუკ შოუ და ადამ ლალანა სატრანსფერო სპეკულაციის საგნად იქცნენ. ჰოჯსონმა დაადასტყრა, რომ ისინი მართლაც აწარმოებენ მოლაპარაკებებს, მაგრამ არ უნდა დაივიწყონ ქვეყნის წინაშე ვალდებულების შესახებ: "ვფიქრობ, რომ საქმე, რომელიც ნაკრებს არ ეხება, სავარჯიშო ბაზას არ უნდა გასცდეს. მაგრამ რამდენადაც მე მესმის, საქმე უკვე მოგვარებულაი და მხოლოდ დეტალების დადგენაღა დარჩა. ნებისმიერ შემთხვევაში ჩემმა ფეხბურთელებმა არ უნდა დაივიწყონ, რომ როცა ჩვენ ყველა ერთად ვართ შეკრებილნი - ჩვენ ინგლისის ნაკრები ვართ. სწორედ ეს არის ახლა ყველაზე უფრო მნიშვნელოვანი"