"მანჩესტერ იუნაიტედის" ვინგერი, ეშლი იანგი ფიქრობს, რომ საზაფხულო ტურნეები ახალ მოთამაშეებს გუნდთან გაცნობაში ეხმარება.
"მახსოვს ჩემი პირველი ტურნე გუნდთან ერთად. დიდ პრობლემას წარმოადგენდა ერთი სასტუმროდან მეორეში გადასვლა, რადგან ყველგან იყვნენ ჩვენი გულშემატკივრები. ვარჯიშების დროსაც კი სავსე იყო სტადიონი მაყურებლებით. ეს დიდი გამოცდილება იყო."
"წინასასეზონო ტურნე ძალიან ეხმარება ახალ ფეხბურთელებს გუნდთან გაცნობაში. პირადად ჩემს შემთხვევაში სწორედ ასე იყო. ყოველ დღე გაქვთ საშუალება თანაგუნდელებთან იყოთ და ახლოს გაეცნოთ მათ. მოხარული ვიქნები ამერიკის კიდევ ერთხელ ხილვით. სიამოვნებას ვიღებდი ამ ქვეყანაში პირველად ჩასვლისას და მოხარული ვიქნები თუ ასეთი საშუალება კიდევ მომეცემა." - აცხადებს იანგი.