უკრაინული "დნეპრის" ნახევარმცველის, ევგენი კონოპლიანკას აგენტმა დაადასტურა, რომ მის კლიენტს "მანჩესტერ იუნაიტედი" აკვირდება, ხოლო "ლივერპული" მხოლოდ ინტერესს იჩენს.
დანამდვილებით შეგვიძლია ვთქვათ, რომ გასულ წელს "მერსეისაიდელები" ცდილობდნენ ევგენის ყიდვს, მაგრამ ტრანსფერის თანხა ვერ შეათანხმეს. ახლა კი "ლივერპულს" მოუწევს 24 წლის ფეხბურთელისთვის "მანჩესტერ იუნაიტედს" შეეცილოს.
"ყოველდღე თითქმის ხუთ ზარს ვიღებ ჩემი კოლეგებისგან კონოპლიანკას თაობაზე. ინფორმაცია, რომ "ლივერპულმა" შეწყვიტა ინტერესი მის მიმართ, არ შეესაბამება სიმართლეს. თუ კი რომელიმე ინგლისური კლუბი გაუკეთებს მას შეთავაზებას, ის ალბათ დაეთანხმება."
"ყველაფერ ამასთან ერთად მაღალი ინტერესი აქვს "მანჩესტერ იუნაიტედსაც". მათმა წარმომადგენლებმა კონოპლიანკას მონაწილეობით რამდენიმე თამაში იხილეს."
"თუმცა ამავდროულად კონოპლიანკას ესმის, რომ თუ კი "მანჩესტერ იუნაიტედში" გადასვლაზე დათანხმდება, მას ჩემპიონთა ლიგაზე მოუწევს უარის თქმა" - მოჰყავს კონოპლიანკას აგენტის სიტყვები უკრაინულ პრესას.