"მანჩესტერ იუნაიტედის" ყოფილი მცველი, დენის ირვინი რაიან გიგზის დაუჯერებელ კარიერას გაუსვა ხაზი.

"ოდესმე ეს დაუჯერებელი კარიერა უნდა დასრულებულიყო. გამიმართლა, რომ ერიკ კანტონას, პეტერ შმეიხელის, როი კინის, ბრაიან რობსონის, რუუდ ვან ნისტელროისა და პოლ სკოულზის ერთად მოვახერხე თამაში. თითოეული მათგანი დიდებული ფეხბურთელი იყო. მაგრამ გიგზი, რაღაც განსაკუთრებულია მათ შორის. ყოველთვის გიხაროდა, როცა მასთან ერთად მოედანზე გადიოდი. გიგზი არამარტო არღვევდა მოწინააღმდეგის დაცვს, არამედ შენც გეხმარებოდა დაცვაში. წლებთან ერთად ცენტრალურ ზონაში გადავიდა და იქაც წარმატებით ასპარეზობდა. ეს მის ტალანტზე კარგად მეტყველებს"

"რაიანმა ამ კლუბის შესახებ ყველაფერი იცის. ის პირველ გუნდში ახლაგაზრდული სისტემის ყველა დონის გავლით მოხვდა. მას შეუძლია ბევრი რამ ასწავლოს ჩვენს ახალ ფეხბურთელებს. გიგზს სერ ალექსსა და დევიდ მოიესთან მუშაობის საშუალება ჰქონდა, მაგრამ ახლა მის ცხოვრებაში ახალი თავი იწერება. ძალიან დიდი იმედი მაქვს, რომ გიგზის სამწვრთნელო კარიერაც ისეთივე წარმატებული იქნება, როგორც ფეხბურთელის კარიერა იყო." - აცხადებს ირვინი.

redevils.ru