"მანჩესტერ იუნაიტედის" ყოფილი ფეხბურთელი, ოუენ ჰარგრივზი დარწმუნებულია, რომ ლუი ვან გაალი მის ყოფილ გუნდს ჩემპიონობამდე მიიყვანს.
"თუ კი "იუნაიტედი" ყველა საჭირო ფეხბურთელს დაიმატებს, ეჭვიც არ მეპარება, რომ ჩემპიონები გახდებიან. მაგრამ ამისთვის აუცილებელია სატრანსფერო ბაზარზე ძლიერი მოქმედება. ვერ წარმომიდგენია, რომ ლუი ვან გაალმა საკუთარ თავს მხოლოდ ჩემპიონთა ლიგის ზონაში მოხვედრა დაუწესოს მიზნად. მას მხოლოდ პირველი ადგილი აინტერესებს. ძალიან გაუმართლა კლუბს, რომ ასეთი შესანიშნავი მწვრთნელი ჩაუდგა სათავეში."
"კარგია, რომ ლუი ვან გაალის შტაბში რაიან გიგზიც იმუშავებს. არავინ იცნობს ამ კლუბს ისე, როგორც ის. გიგზი ფეხბურთელებს შორის ავტორიტეტით სარგებლობს და ინგლისური ფეხბურთის ერთ-ერთ საუკეთესო მოთამაშეს წარმოადგენს. ადამიანი, რომელამც ყველაფერი იცის "იუნაიტედის" შესახებ და ადამიანი, რომელიც თანამედროვე ფეხბურთის ერთ-ერთი საუკეთEსო მწვრთნელია - ეს შესანიშნავი იქნება" - აცხადებს ოუენი.