"მანჩესტერ იუნაიტედის" ყოფილ მეკარეს, პეტერ შმეიხელს სჯერა, რომ ლუი ვან გაალი ყველაფერს კარგად გააკეთებს.
მისი აზრით 62 წლის ჰოლანდიელი მწვრთნელი საჭირო გამოცდილებას ფლობს და "იუნაიტედის" ლიდერის ფუნქციებს კარგად შეითავსებს.
"კლუბს გულშემატკივართა დამშვიდება სჭირდებოდა, რადგან "მანჩესტერ იუნაიტედი" ლიდერის გარეშე ვერ იქნებოდა"
"ვფიქრობ, ვან გაალი არის ის ადამიანი, რომელიც მოთამაშეთა გულს მალევე მოიგებს. ის ასეთი სახის რეპტაციით სარგებლობს და ძალიან თავდაჯერებულია."
"მას აღებული აქვს გეზი და ზუსტად იცის, თუ რა სურს. ზოგიერთ ფეხბურთელს ეს არ მოეწონება, მაგრამ ვფიქრობ ეს "მანჩესტერ იუნაიტედს" სჭირდება. ნებისმიერ შემთხვევაში ის სწორედ ისაა, ვინც ამჟამად გვჭირდება" - აცხადებს შმეიხელი.