"მანჩესტერ იუნაიტედის" ყოფილი ნახევარმცველი, რეი უილკინსი თვლის, რომ ლუი ვან გაალი სწორედ ის ადამიანია, ვინც "იუნაიტედს" სჭირდება.

"ლუი ვან გაალი ჩვენს კლუბში უდიდესი მემკვიდრეობით მოდის, რამეთუ ზურგს უდიდესი გამოცდილება უმაგრებს. არავითარი ეჭვი არ მეპარება, რომ ის "ოლდ ტრაფორდზეც" მიაღწევს წარმატებებს. დიდ პრობლემას წარმოადგენს კლუბში დიდი ფეხბურთელების მოყვანა. ნათელია, რომ ვან გაალი ნაკრებს გაწვრთნის მუნდიალზე და იგი ორ საქმეს ერთად ვერ გააკეთებს."

"იუნაიტედს" ხუთი-ექვსი ახალწვეული სჭირდება. რა თქმა უნდა რამდენიმე მოთამაშეს უნდა განშორდნენ კიდეც. ნათელია, რომ არსებული შემადგენლობით კლუბი დიდ ამოცანებს ვეღარ წყვეტს. მას ახალი სისხლი სჭირდება."

"მოხარული ვარ, რომ ლუიმ რაიანი თავის დამხმარედ აიყვანა. ეს ძალიან ჭკვიანური მიდგომაა საქმისადმი, რადგან მან 20 შესანიშნავი წელი დაჰყო კლუბში, რომლის შესახებაც ყველაფერი იცის. გიგზმა თავის კარიერაში 34 ტიტული მოიგო, რითიც დაუჯერებელს მიაღწია."

redevils.ru