ყოფილმა ფეხბურთელებმა ვან გაალს წარმატებები უსურვეს.
"მანჩესტერ იუნაიტედის" ყოფილმა ფეხბურთელბმა, ვან გაალს ახალი სამუშაო მიულოცეს და მას წარმატებები უსურვეს.
ედვინ ვან დერ საარი: "ეს შესანიშნავი შესაძლებლობაა როგორც ვან გაალისთვის, ასევე "იუნაიტედისთვის", რომ ერთად იმუშაონ. ძალიან მაინტერესებს იმის ხილვა, თუ როგორ შეერევიან ახალგაზრდა ფეხბურთელები გამოცდილთა შორის და რა ტრანსფერებს განახორციელებს კლუბი."
რიო ფერდინანდი: "წარმატებებს ვუსურვებ ლუი ვან გაალს "მანჩესტერ იუნაიტედის" ახალი მთავარი მწვრთნელის პოსტზე. ასევე მოხარული ვარ გიგზის გამო, რომელიც მისი დამხმარე იქნება. იმედი მაქვს ეს ადამიანები იქ დააბრუნებენ კლუბს, რომელიც მას კანონით ეკუთვნის."
დევიდ მეი: "შესანიშავი გადაწყვეტილებაა. ლუი ვან გაალს ევროპის მთავარი ტიტულები და ესპანეთის, გერმანიისა და ჰოლანდიის ჩემპიონატიც აქვს მოგებული. იმედი მაქვს, რომ წარმატებებს "ოლდ ტრაფორდზეც" მიაღწევს. მას დიდი სამუშაო ელის და მოუთმენლად ველოდები გუნდის მის ხელში ხილვას."
ლი მარტინი: "ვან გაალს უმდიდრესი გამოცდილება აქვს. მან ჩემპიონთა ლიგა მოიგო და წარმატებას მიაღწია "ბაიერნსა" და "ბარსელონასთან" ერთად. მან იცის თუ როგორ იმუშაოს დიდ კლუბებში და ესმის მათი მოთხოვნილებების დონე. ვან გაალს ძლიერი ხასიათი აქვს, რაც ჩემი აზრით ჩვენს გუნდს ძალიან სჭირდება. ჩვენ გვჭირდება სპეციალისტი, რომელსაც არ ეშინია ფეხბურთელების და მათთან მიდგომაც კარგად ეხერხება. წინ პოზიტიურად გადადგმული ნაბიჯია და ძალიან მიხარია."
redevils.ru