გამომცემლობა Manchester Evening News - მა გაავრცელა მცირე ინფორმაცია "მანჩესტერ იუნაიტედის" ახალი მთავარი მწვრთნელის დამხმარეების, ფრანს ჰუკისა და მარსელ ბუტის შესახებ.
ფრანს ჰუკი - მეკარეთა მწვრთნელი
57 წლის სპეციალისტს, ფაქტიურად ყველა იმ გუნდში უმუშავია, რომელსაც ლუი ვან გაალი წვრთნიდა. მან მეკარეთა მწვრთნელის კარიერა 1985 წელს, "აიაქსში" დაიწყო. 1991 წლიდან კი ვან გაალის სამწვრთნელო შტაბში შევიდა. ამის შემდეგ კი ჰუკმა ორჯერ მოასწრო "ბარსელონასა" ჰოლანდიის ნაკრებში მუშაობა. 2003 წლიდან კი მისი და ვან გაალის გზები გაიყარა. მაშინ როცა ლუი ვან გაალი "აზ"-ს წვრთნიდა, ჰუკი პოლონეთის ნაკრებში მუშაობდა. მოგვიანებით კი დუეტი კვლავ გაერთიანდა "ბაიერნში", ახლა კი ჰოლანდიის ნაკრებს ამზადებს მსოფლიო ჩემპიონატისთვის.
მარსელ ბუტი - მოწინააღმდეგეთა თამაშის შესწავლის სპეციალისტი
ჰუკისგან განსხვავებით იგი ვერ დაიკვეხნის ვან გაალთან ერთად მუშაობის დიდი გამოცდილებით. მარსელი და ლუი ერთმანეთს პირველად "აზ"-ში შეხვდნენ. მოგვიანებით კი "ბაიერნში" მუშაობდნენ. ვან გაალის "ბაიერნიდან" წასვლის შემდეგ, ჰუკი "ბაიერნში" დარჩა და იუპ ჰაინკესთან ერთად მუშაობდა. ამ სეზონის ბოლოს კი ჰუკმა კლუბი დატოვა.