"მანჩესტერ იუნაიტედის" მთავარმა მწვრთნელმა, ლუი გაალმა განაცხადა, რომ მას თავის სადებიუტო სეზონში სურს წარმატების მიღწევა.
აქამდე მხოლოდ სამ მწვრთნელს მოუგია პრემიერ-ლიგა პირველივე ცდაზე - ჟოზე მოურინიოსა და კარლო ანჩელოტის "ჩელსის" მთავარი მწვრთნელის პოსტზე და მანუელ პელეგრინის "მანჩესტერ სიტის" მთავარი მწვრთნელის პოსტზე.
აღსანიშნავია, რომ ვან გაალს უდიდესი გამოცდილება აქვს, რაც მან "ბაიერნსა" და "ბარსელონაში" მიიღო. 62 წლის ჰოლანდიელი შეეცდება ინგლისურ წარმატებას მიაღწიოს "იუნაიტედთან" ერთად.
"ესპანეთში წარმატებას მუშაობის პირველსავე წელს მივაღწიე. იგივე გავიმეორე გერმანიაში. აქ, ინგლისშიცაა ეს შესაძლებელი."
"თუ აქაც მივაღწევ ამას, საკუთარი თავით ვიამაყებ. მაგრამ როგორც იცით, ჩემპიონი მხოლოდ ერთი გუნდი გახდება." - ციტირებს ვან გაალს RTL.