"მანჩესტერ იუნაიტედის" ახალმა მწვრთვნელმა ლუის ვან გაალმა განაცხადა, რომ ახალი გუნდის აშენებაში ფული ყველაზე დიდ როლს არ შეასრულებს.
ჰოლანდიელმა სპეციალისტმა უკვე გამოთქვა სურვილი რამდენიმე ფეხბურთელის შეძენის, ესენი არიან ლუკ შოუ, ბადშტუბერი და ტონი კროოსი.
"ჩვენ ფულზე არ გვილაპარაკია, ჩვენ მხოლოდ იმაზე ვისაუბრეთ თუ ვისი ყიდვა მსურს. ამასთანავე არიან ფეხბურთელები, რომელთაც მომდევნო სეზონში იუნაიტედში ვეღარ ვნახავთ".
გავრცელდა ინფორმაცია, რომ ლუის ვან გაალს 200 მილიონ ფუნტს გამოუყოფენ, რათა კლუბი კრიზისიდან ამოიყვანოს.