"ჩელსის" მთავარი მწვრთნელი, ჯოზე მოურინიო გამოტყდა, რომ მოხარულია თავისი კოლეგის "მანჩესტერ იუნაიტედში" მოსვლით.
ლუი ვან გაალი, რომელმაც გუშინ სამწლიან კონტრაქტს მოაწერა ხელი, არამარტო მოურინიოს კოლეგა, არამედ მისი მასწავლებელიცაა. ჟოზე ლუისთან ერთად "ბარსელონაში" მუშაობდა 1997-დან 2000 წლამდე.
მოურინიო ერთ-ერთი პირველი იყო, ვინც ლუი ვან გაალს ახალი სამსახური მიულოცა.
"ის შესანიშნავი საფეხბურთო მწვრთნელია და მოხარული ვარ, რომ პრემიერ-ლიგაში შემომიერთდა. კიდევ უფრო მნიშვნელოვანია ის, რომ იგი დიდებული ადამიანია და მე მას წარმატებებს ვუსურვებ" - აცხადებს მოურინიოს სიტყვებს ESPN.