ვან პერსი: "მარაკანაზე თამაში, ნამდვილი ჯოჯოხეთი იქნება" !!!
გასული წელიწადი "მანჩესტერ იუნაიტედისა" და ჰოლანდიის ნაკრების თავდამსხმელის, 30 წლის რობინ ვან პერსისთვის კარიერაში ერთ-ერთი ყველაზე წარმატებული გამოდგა. აუხდა თავისი ოცნება და მოიგო ინგლისის პრემიერ ლიგა. "ეპლის" ბომბარდირთთა სათავეში მეორედ ზედიზედ პირველი ადგილი დაიკავა, რაც ბევრი მოთამაშისთვის "შესაშურებელია". ქვემოთ შემოგთავაზებთ ინტერვიუს, სადაც "ტელეგრაფის" ჟურნალისტი ვან პერსის გაესაუბრა, ინტერვიუ საინტერესო გამოდგა...
გასული წელიწადი "მანჩესტერ იუნაიტედისა" და ჰოლანდიის ნაკრების თავდამსხმელის, 30 წლის რობინ ვან პერსისთვის კარიერაში ერთ-ერთი ყველაზე წარმატებული გამოდგა. აუხდა თავისი ოცნება და მოიგო ინგლისის პრემიერ ლიგა. "ეპლის" ბომბარდირთთა სათავეში მეორედ ზედიზედ პირველი ადგილი დაიკავა, რაც ბევრი მოთამაშისთვის "შესაშურებელია". ქვემოთ შემოგთავაზებთ ინტერვიუს, სადაც "ტელეგრაფის" ჟურნალისტი ვან პერსის გაესაუბრა, ინტერვიუ საინტერესო გამოდგა...
- გასულ წესლ აიხდინეთ თქვენი ოცნება პრემიერ ლიგის ტიტულის სახით. გახდით ბომბარდირი, ნუთუ მართლა ასეთ მაგარ ფორმაში იყავით, თუ "ფორტუნაც" თქვენს მხარეს იყო"?
- "იმდენად მინდოდა, პრემიერ ლიგის ოქროს მედლის მოპოვება, რომ თითქმის ყოველ ვარჯიშის შემდეგ მოედანზე ვრჩებოდი და ცალკე ინდივიდუალურად ვარჯიშობდი. თუმცა ხომ გაგიგიათ, იღბალი ძლიერთა მხარესააო და ჩემს შემთხვევაში, რაღაც მომენტებში ასე ხდებოდა. როგორც ჩანს გამუდმებულმა და თავდადებულმა ვარჯიშმა შედეგი გამოიღო, თუმცა ტრავმები, როგორც ადრე ახლაც ხელს მიშლის".
- "არსენალმა" და "მანჩესტერ იუნაიტედმა" რა მოგცათ ისეთი, რითაც რობინ ვან პერსი ჰოლანდიის ნაკრების რაღაც განსაკუთრებულს შემატებს?
- "ორიგინალური კითხვის დასმას ცდილობდით, თუმცა არ გამოგივიდათ. 30 წლისას ფეხბურთში თითქმის ყველაფერი ნანახი და განცდილი მაქვს. ახალგაზრდა ფეხბურთელებს შემიძლია რჩევა მივცე და დავეხმარო და ამავდროულად მათი უფროსი მეგობარი ვიყო".
- ახლა სიმდიდრე არ გაკლიათ. შეგიძლია მოკლედ გადმოგვცეთ რა გრძნობაა ეს?
- "სიმდიდრეზე რა გითხრათ... ამაზე უბრალოდ არც ვფიქრობ, თუმცა განცდა იმისა, რომ ცხოვრებაში რაღაცას მიაღწიე და რაღაცას წარმოადგენ, მუდმივად თან დაგდევს და უფალს მადლობას სწირავ. ჩემი ბევრი თანატოლი გზას ასცდა, თან ისეთი, რომ იტყოდი ამისგან დიდი ფეხბურთელი დადგებაო. ნარკომანიამ და რაც ყველაზე საშინელებაა კრიმინალურმა ცხოვრებამ შეიწირა და რომ არა ფეხბურთი ალბათ მეც იმ ბიჭების ბედს გავიზიარებდი. აი ამაზე და იმ ბიჭებზე კი ჩემს წარმატებულ კარიერაზე ხშირად ვფიქრობ და თვალებიდან ცრემლს ვერ ვიკავებ".
- თქვენი კარიერიდან, რომელ გოლს გამოარჩევდით საუკეთესოდ, როგორც "არსენალიდან" ასევე "იუნაიტედიდან"
- "ყველაზე ლამაზ გოლს "არსენალის" მაისურით "ჩარლტონის" წინააღმდეგ გამიტანია, ხოლო "მანჩესტერის" მაისურით "ასტონ ვილას" წინააღმდეგ, როდესაც უეინ რუნიმ დიდებული პასი გამიკეთა მოედნის ცენტრიდან".
- რომელი ხუმრობის გახსენება გახალისებთ ყველაზე მეტად?
- (იცინის) ასეთი ბევრია, თუმცა ერთ ისეთ სახალისო მომენტს გეტყვით, რომელიც არცერთ გაზეთს არ დაუბეჭდავს. ტიერი ანრი მართლაც ძვირფას კოსტუმში იყო "გამოწკეპილი", როდესაც მე ყინულივით ცივი წყალი გადავავლე თავზე... მართალია ძალიან მეჩხუბა, მაგრამ მაპატია, ისე კი მაგარი სანახაობა იყო. ფრანგს დიდ პატივს ვცემ და მეამაყება მის მხარდამხარ, რომ მომიწია თამაში".
- მოდი ნაკრებზე გადავიდეთ, რა მიზანს ისახავთ ჰოლანდიელები ბრაზილიის მუნდიალზე?
- "არ დაგიმალავთ და გეტყვით, რომ ცუდთან ერთად კარგი წინათგრზნობა მაქვს. ცუდი იმით გამოიხატება, რომ "მარაკანაზე" თამაში ნამდვილი ჯოჯოხეთი იქნება. ისეთ ვიდეოები მაქვს ნანახი ბრაზილიაში გადაღებული, რომელიც "პირ-ღიას" მტოვებდა. მაგალითს მოგიყვანთ, მეტ-ნაკლებად მნიშვნელოვან მატჩს ვუყურებდი კომპიუტერის მეშვეობით, როდესაც გოლის შემდეგ სიხარულისგან ასობით ხალხმა ჰაერში იარაღის სროლა დაიწყო. ბრაზილიელები ძალიან ხმაურიანი გულშემატკივრები არიან, სწორედ ამიტომ ვამბობ, რომ "მარაკანაზე" თამაში ნამდვილი ჯოჯოხეთი იქნება. კარგი წინაგრძნობა იმიტომ მაქვს, რომ როგორც მე ასევე თანაგუნდელებს გვჯერა, რომ ერთად დიდ წარმატებებს მივაღწევთ".
წყარო: telegraph.co.uk
სიახლეები, სტატიები, ახალი ამბები, ინტერვიუები, ვიდეოები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.