"იუნაიტედისთვის" ყველაზე წარუმატებელ სეზონში, რომელიც კი ამ გუნდს ჩაუტარებია 1989/1990 წლების შემდეგ, ჩიჩარიტო მხოლოდ ექვს მატჩში მოხვდა სასტარტო შემადგენლობაში. მიმდინარეობს საუბრები, რომ ჩიჩარიტო მილანის ინტერში გადავა, მას ჯერ კიდევ კონტრაქტის ორი წელი აკავშირებტ ოლდ ტრაფორდთან. ყველა ჩემპიონატზე, ჩიჩარიტომ 9 გოლის გატანა შეძლო, მიუხედავად იმისა, რომ ის ძირითადად სათადარიგოთა სკამზე ხვდებოდა. მან აგრეთვე აღიარა, რომ იმედი ჰქონდა უფრო მეტ მატჩში მონაწილეობას.

"ამ სეზონში მე ვერ დავეხმარე ჩემ გუნდს, რადგან სათამაშო დრო არ მქონდა. ამიტომ რთული იყო ყურება იმისა, თუ როგორ აგებდნენ ჩემი თანაგუნდელები მატჩებს." აცხადებს ჩიჩარიტო Mediotiempo-სთან ინტერიუში. "მსოფლიოს ყველა ფეხბურთელს სურს რომ რაც შეიძლება მეტი სათამაშო დრო ჰქონდეს. ეს ჩვეულებრივი რამაა. ჩვენ თამაში გვინდა, მაგრამ ვიაზრებთ, რომ სასტარტო შემადგენლობაში 11 ადამიანი ხვდება, სათადარიგოზე კი შვიდი. ეს თამაშის ნაწილია. ცხოვრებაში შენ გჭირდება თავდაჯერებულობა და შანსები. თუ ეს შანსები არ გამოჩნდა, ძნელია. თუმცა მე არასოდეს ვარიდებ თავს სირთულეებს."

"ძალიან რთული სეზონი გამოდგა ჩვენთვის. გუნდმა არ მიიღო ის შედეგი, რასაც ელოდა, თუმცა ეს ყველაფერი მალე უნდა დავივიწყოთ და მომავალზე ვიფიქროთ. მომდევნო სეზონი ძალიან მნიშვნელოვანი იქნება ჩვენთვის." მექსიკელი ფორვარდი გუნდს 2010 წელს შეუერთდა და მადლობელია კლუბისა, რადგან მას საშუალება მიეცა უფრო მაღალ დონეზე გამოეცადა საკუთარი თავი. "მე ცხრა გოლი გავიტანე 12 შეხვედრიდან, რომელშიც პირველივე წუთებიდანვე ვიღებდი მომაწილეობას, მაგრამ მიუხედავად ამისა მაინც არ მქონდა იმდენი სათამაშო დრო, რამდენსაც წინა სეზონებში ვიღებდი. მაგრამ მე თავს კარგად ვგრძნობ. ვფიქრობ რომ გავიზარდე როგორც ფეხბურთელი. მე მოვახაერხე სრულიად ადაპტირება ამ ლიგაზე და ეს არის ყველაზე სასიხარულო რამ რაც წინა სეზონისგან მივიღე." დაასრულა ერნანდესმა.

წყარო: SkySPORTS