ლუი ვან გაალი, რომელიც სულ მალე დაინიშნება "მანჩესტერ იუნაიტედის" მთავარ მწვრთნელად, მზად არის "ოლდ ტრაფორდზე" გადმოიბიროს "არსენალის" მცველი ბაკარი სანია.
შანსები იმისა, რომ სანია "არსენალში" დარჩება, ძალიან ცოტაა. მხარეები ვერა და ვერ შეთანხმდნენ ახალ კონტრაქტზე, ამიტომ სანიამ ბოლო მატჩი ჩაატარა "მეთოფეების" რიგებში.
31 წლის ფრანგის გადაბირება სურს "მანჩესტერ სიტის", მაგრამ ახლა, როგორც Daily Mail გვამცნობს, სანიასთვის ბრძოლაში "იუნაიტედიც" ჩაერთო. "წითელი ეშმაკუნების" წარმომადგენლებს უკვე ჰქონდათ კონტაქტი სანიას აგენტთან.
გვამცნობენ, რომ არც რაფაელ და სილვა, არც ფილ ჯონსი და არც კრის სმოლინგი არ აკმაყოფილებენ ვან გაალის მოთხოვნებს და ამიტომ ლუიმ გადაწყვიტა ეს პოზიცია გაემყარებინა.