ახლა, როცა რწმენის საკითხი გვერდით გადაიდო, უკვე შეიძლება რეალურად საუბარი. "მანჩესტერ იუნაიტედი" ჩემპიონთა ლიგის გარეშე დარჩა. მოდით ვნახოთ, რამდენად სერიოზულია ეს ყველაფერი.



ლეგენდის თანამხად, ჩემპიონთა ლიგაზე ვერ მოხვედრის შემდეგ, იქ დაბრუნება პირველსავე ცდაზე - რთული დავალებაა. თუმცა არავითარი პირდაპირი კავშირი მას ევროპას არ აქვს შიდა ჩემპიონატთან. პირიქით, ჩემპიონთა ლიგის გარეშე დარჩენილ ფეხბურთელთა დატვირთვა უფრო ნაკლებია, კონცენტრაცია კი უფრო მაღალი. გადახედეთ "ლივერპულის" რამდენიმე ყოფილი და მოქმედი ფეხბურთელის სიტყვებს და ნახავთ, რომ ისინიც ამას ამბობდნენ.



ითვლება, რომ ყველა ფეხბურთელის ძირითად ოცნებას ჩემპიონთა ლიგაზე ყოველწლიური თამაში წარმოადგენს, ხოლო კლუბს, რომელსაც არ შეუძლია ტოპ-კლასის ფეხბურთელს ეს შესაძლებლობა შესთავაზოს, გაუჭირდება მისი შესყიდვა. მიუხედავად ამისა მატამ და რუნიმ მაინც მოაწერეს ხელი კონტრაქტს, თანაც სრულად ესმოდათ, რომ მომდევნო წელს ისინი ჩემპიონთა ლიგაზე შესაძლოა არც კი იყვნენ.

სიმართლე გითხრათ მსგავსი რამ ხშირად გაიჟღერებს სწორედ მაშინ, როცა ფეხბურთელს ან კლუბის დატოვება სურს, ან კიდევ უფრო მარალანაზღაურებადი ხელფასი. ძალიან მოსახერხებელი ხრიკია. გულშემატკივრები ამ ფორმულირებას ფეხბურთელის ამბიციას მიაწერენ, ხოლო ჩემპიონთა ლიგაზე მყოფი გუნდის მფოლებელები კი კარგი ფეხბურთელის შეძენის შესაძლებლობად თვლიან.

10 ფეხბურთელი, რომელმაც უარი თქვა ჩემპიონთა ლიგაზე

10 ადგილი: ედინ ჯეკო - ბუნდესლიგის საუკეთესო ბომბარდირმა იარი თქვა ჩემპიონთა ლიგაზე და "მანჩესტერ სიტის" მიაშურა.

9 ადგილი: უგო ლორისი - იმის მიუხედავად, რომ მას ესმოდა "ტოტენჰემი" არ იყო ჩემპიონთა ლიგაზე მოასპარეზე გუნდი, მას ხელი არ შეშლია "დეზების" არჩევაში და საეჭვოა, რომ ეს ცუდ გადაწყვეტილებად ჩაითვალოს.

8-5 ადგილი: იაია ტურე, დავიდ სილვა, რობინიო, კარლოს ტევესი - თითოეულმა მათგანმა იცოდა თუ რა არის ტოპ კლუბი, ჩემპიონთა ლიგაზე მონაწილეობა, მაგრამ ყველამ ცივსისხლიანი გადაწყვეტილება მიიღო "მანჩესტერ სიტის" სასარგებლოდ"

4 ადგილი: ლუის სუარესი - მან უარი თქვა ჩემპიონთა ლიგაზე მონაწილეობაზე "ლივერპულის" გამო, მაგრამ ერთი წლის შემდეგ თავისი ოცნება გაახსენდა და ამოიოხრა. გაუმჯობესებული კონტრაქტი გამოფხიზლებაში დაეხმარა და თავისი ოცნება სხვა კლუბის დახმარებითაც აიხდინა.

3 ადგილი: სამუელ ეტო'ო - საპატიო ტიტულის სამგზის მფლობელს იმდენად მოეწყინა იგი, რომ გადაწყვიტა პირდაპირ "ანჟიში" გადასულიყო. ერთ-ერთი იშვიათი ფეხბურთელი, რომელიც ამ სამუშაოში თავის ჭეშმარიტ მიზანს არ მალავს.

2 ადგილი: რადამელ ფალკაო - ევროპის ლიგის გამარჯვებულის, "პორტუს" მთავარი დამრტყმელი ძალა "ატლეტიკოში" გადავიდა.

1 ადგილი: რადამელ ფალკაო - ევროპის ლიგის გამარჯვებულის, "ატლეტიკოს" მთავარი დამრტყმელი ძალა "მონაკოში" გადავიდა. ეტყობა მას სულაც არ იზიდავს ჩემპიონთა ლიგა.



ინგლისური ტაბლოიდების მონაცემებით, ჩემპიონთა ლიგაზე ვერ მოხვედრის გამო კლუბმა 50 მლნ. ფუნტი დაკარგა. თუმცა მათი ნაწილის აღმოფხვრა აშშ-სა და აზიის კლუბებთან ამხანაგური მატჩებით შეგვიძლია. ამას დაემატება ახალი კონტრაქტი ჩვენს სატიტულო სპონსორთან, General Motors-თან, რომელიც 30 მლნ. ფუნტით უფრო ძვირია, ვიდრე წინა. ასე, რომ უკვე ის, რაც ზედაპირზე დევს გვაძლევს საშუალებას ვთქვათ: "ერთ წელს ჩემპიონთა ლიგის გარეშეც გავძლებთ ფინანსური თვალსაზრისით". თუმცა ამასთან ერთად არ უნდა დაგვავიწყდეს ის 50 მლნ. ფუნტი, რომელიც დავკარგეთ და რომელსაც ახალი, ტოპ-კლასის ფეხბურთელში გამოვიყენებდით.



გიცდიათ ოდესმე მისი სერიოზულად შეფასება? ვან პერსიმ და მატამ მხოლოდ მას შემდეგ გააცნობიერეს, რაც მისი ნაწილი გახდნენ. გადახედეთ გულშემატკივართა მრავალმილიონიან არმიას, მათ ვერ დაითვლი. ლეგენდებს, რომლებიც ჯერ კიდევ მუშაობენ კლუბში. დიდ სასპონსორო კონტრაქტებს, რომლებიც გაფორმებულია და კიდევ გაფორმდება. გაითავისეთ ეს დიდებულება და შეიჭერით მასში კიდევ ერთხელ. ნუ იღელვებთ მომავალ სეზონზე. ის ძალიან შინაურული იქნება, რადგან "მანჩესტერ იუნაიტედი" მას სახლში ჩაატარებს.



როცა "მანჩესტერ იუნაიტედზე" საუბრობ, შეუძლებელია გული არ აგენთოს. როცა გული გენთება, მაშინ ოპტიმისტიც ხდები. მეც, როგორც ოპტიმისტს და როგორც "მანჩესტერ იუნაიტედზე" შეყვარებულ ადამიანს, მჯერა, რომ ერთი წელი იქნება მხოლოდ ერთი წელი და მსგავსი არაევროპული სეზონი აღარ გვექნება. მე მჯერა, რომ "მანჩესტერ იუნაიტედი" კვლავ დაიბრუნებს ძველ დიდებას და ამას ახალი ფეხბურთელებისა და მწვრთნელის დახმარებით გააკეთებს.

თუ კი უამრავ ფეხბურთელს უთქვამს უარი ჩემპიონთა ლიგაზე რომელიმე გუნდის სასარგებლოდ, რატომ არ შეიძლება "მანჩესტერ იუნაიტედის" სასარგებლოდაც იგივე გააკეთონ. ეს ხომ "ოლდ ტრაფორდია", ეს "ხომ "წითელი ეშმაკებია", ეს ხომ მსოფლიოს უდიდესი გრანდია, ეს "მანჩესტერ იუნაიტედია". მაშ მოვა ვინმე, ვინც წითელ მაისურს მოირგებს, ზურგზე საკუთარ გვარს დაიწერს და "მანჩესტერ იუნაიტედს" მწვერვალზე დააბრუნებს. იქ, სადაც მისი ადგილია. მაგრამ ჩვენთან და უკვე არსებულ "წითელ ეშმაკებთან" ერთად გააკეთებს.

ავტორი: გიორგი დუმბაძე