ბელგიის ეროვნული ნაკრების კაპიტანი ვინსენტ კომპანი მოხარულია იმ ფაქტით, რომ მსოფლიო ჩემპიონატზე ადნან იანუზაისთან ერთად გაემგზავრება. "იუნაიტედის" გარემარბით მრავალი ქვეყანა იყო დაინტერესებული, ადნანს ინგლისის ნაკრებსაც უკავშირებდნენ, თუმცა საბოლოოდ მან ბელგია აირჩია.

კევინ მირალესმა განაცხადა, რომ იანუზაიმ კარგი არჩევანი გააკეთა. მაგრამ ფიქრობს, რომ მისი მსოფლიოზე წაყვანა სამართლიანი არ იქნება. რადგან, ადნანმა შესარჩევ ეტაპზე არც ერთი მატჩი არ ჩაატარა.

ამ ყველაფრის შესახებ ვინსენტ კომპანიმ ინტერვიუში განაცხადა, რომ ბელგიის ნაკრები მზად არის იანუზაი კარგად მიიღოს.

"ამ გადაწყვეტილებით ყველანი ბედნიერები ვართ. საბოლოო გადაწყვეტილებას მთავარი მწვრთვნელი იღებს, მისი საბოლოო არჩევანი საუკეთესო ვარიანტი იქნება. ჩვენ საკმაოდ კარგი გუნდი ვართ და ვიმედოვნებ, რომ მსოფლიო ჩემპიონატზე კარგად ვითამაშებთ".

"ჩვენ ყოველთვის მივესალმებით ახალი ფეხბურთელების მოსვლას ბელგიის ნაკრებში". - განაცხადა კომპანიმ.

წყარო: www1.skysports.com