ნემანია ვიდიჩმა უარყო ინფორმაცია იმის შესახებ, თითქოს "მანცესტერ იუნაიტედის" ფეხბურთელები თავისი ყოფილი მწვრთნელისთვის, დევიდ მოიესისთვის არაფერს აკეთებდნენ.

ჭორების თანახმად სწორედ გასახდელში დაკარგულმა გავლენამ განაპირობა ფეხბურთელთა უნიათო თამაში. ზოგიერთი გამოცემა კი საერთოდ იუწყებოდა, რომ ფეხბურთელთა გარკვეული კატეგორია მოიესს დასცინოდა.

თუმცა ვიდიჩი, რომელიც ზაფხულში მილანის "ინტერს" მიაშურებს თვლის, რომ მოთამაშეები პატივს სცემდნენ დევიდ მოიესს და ყველაფერს აკეთებდნენ გუნდისთვის.

"ამის თაობაზე არავითარი ეჭვი არ არსებობს არც ერთი მოთამაშისადმი. ისინი აკეთებდნენ ყველაფერს, რასაც სთხოვდნენ. ხანდახან საქმე კარგად მიგდის, ხანდახან - არა. მაგრამ სურვილი იყო. ისინი ნამდვილად თავდაუზოგავად ირჯებოდნენ."

"პირველიდან უკანასკნელ დღემდე ვერ გაიგებდით, რომ ვინმეს რაიმე ცუდი ეთქვას ვარჯიშებზე. ეს ნიშნავს, რომ მოთამასეები პატივს სცემდნენ მოიესს." - აცხადებს ვიდიჩი.

BBC