უილფრიდ ზაჰა იმედოვნებს, რომ შეძლებს "მანჩესტერ იუნაიტედში" ფეხის მოკიდებას. "წითლების" ყოფილი მწვრთნელი, დევიდ მოიესი მას არ ენდობოდა. ვინგერმა პრემიერ ლიგაში მოიესის ხელმძღვანელობით მხოლოდ ორჯერ ითამაშა, ზამთარში კი იჯარით "კარდიფს" მიაშურა. რაჰიმ სტერლინგისა და ბრენდან როჯერსის შემხედვარე, ზაჰა იმედოვნებს, რომ ახალი მწვრთნელი მას მისცემს შანს.

"მე სერ ალექს ფერგიუსონმა შემიძინა და ველოდი, რომ ის იქნებოდა ჩემი მწვრთნელი. შემდეგ მოიესი მოვიდა და მას უწევდა გამოცდილი ფეხბურთელების ძირითადში დაყენება. ხშირად სათადარიგოზეც კი ვერ ვხვდებოდი, რაც ძალიან რთული იყო ჩემთვის. ყველა ფეხბურთელს სჭირდება მწვრთნელის მხრიდან ნდობა და შანსის მიცემა.

ვიმედოვნებ, რომ ჯერ კიდევ მაქვს მომავალი ამ კლუბში. სეზონისთვის მოსამზადებელ ტურნეზე წავალ და ყველაფერს გავაკეთებ. მწვრთნელი (მოიესი) რომ დარჩენილიყო, არამგონია ასე მომხდარიყო.
ის რომ არ წასულიყო, სხვა კლუბების შემოთავაზების განხილვა მომიწევდა. "იუნაიტედთან" ახლა 4 წლიანი ხელშეკრულება მაკავშირებს."

ზაჰამ მოიესის შვილსზე გავრცელებულ ჭორებზეც ისაუბრა. ინგლისური გაზეთების თქმით, ვილფრიდსა და დევიდის შვილს რომანი ჰქონდათ.
"თვითერზე ბევრი ჭორი იწერებოდა ჩემზე და მოიესის შვილზე. ეს უცნაური იყო. ძალიან მაღიზიანებდა ასეთი სისულელეები. მე ხომ მას ერთხელაც არ შევხვედრილვარ."






"რაჰიმ სტერლინგს რთული პერიოდი ჰქონდა "ლივერპულში" და მის იჯარით გაშვებაზეც ფიქრობდნენ, მაგრამ ბრენდან როჯერსმა მას სრული ნდობა გამოუცხადა. ახლა სტერლინგი "ლივერპულის" ერთ-ერთი წამყვანი მოთამაშეა. "

ზაჰა "იუნაიტედმა" "კრისტალ პალასისგან" შეიძინა წინა წელს.