რაიან გიგზმა მატჩისწინა პრესკონფერენციაზე უეინ რუნის მსოფლიო ჩემპიონატზე გამოსაყენებელ შესაძლებლობებზე ისაუბრა. უელსელის აზრით, ის ინგლისის ნაკრებს დიდ სარგებელს მოუტანს.
„ვფიქრობ, ის ფორმის პიკშია. უეინი ტოპ კლასის ფეხბურთელია და ის კარგ ასაკშია. ვიცი, რომ ის მოუთმენლად ელოდება მსოფლიო ჩემპიონატის დაწყებას. ას ფანტასტიკური სეზონი ჰქონდა და დარწმუნებული ვარ, ნაკრებსაც დიდ წარმატებას მოუტანს. მისი ტრავმა სერიოზული არ გამოდგა. რუნიმ სავარჯიშო დარბაზში ყველა დავალება შეასრულა და კარგად იქნება.
მსოფლიო ჩემპიონატის სახით წინ ბრწყინვალე სანახაობა გველოება. ამ ჩემპიონატში მონაწილეობას მეც დიდი სიამოვნებით მივიღებდი.“
ადნან იანუზაიმ ახლახანს მიიღო გადაწყვეტილება და მსოფლიო ჩემპიონატზე ის ბელგიის ნაკრებთან ერთად გაემგზავრება. გიგზს მის შესაძლებლობებში ეჭვი არ ეპარება.
„არ აქვს მნიშვნელობა ის ძირითადში დაიწყებს თამაშს თუ სათადარიგოდან. ამ ჩემპიონატზე მოპოვებული გამოცდილება საუკეთესოა ახალგაზრდა ფეხბურთელისთვის. ადნანი ერთ-ერთია იმ ფეხბურთელებიდან, რომლებმაც ზაფხულში შეიძლება გაიბრწყინონ. „ჰალთან“ მატჩისას გაოცებული ვუყურებდი მის ბურთის მიღებას და მოძრაობებს. სასიამოვნოა მისი თამაშის ყურება.“ - დაასრუალ გიგზმა.

წყარო: manutd.com