რაფაელი იმედოვნებს, რომ სეზონის ბოლო მატჩში მონაწილეობას მიიღებს. „იუნაიტედის“ ბრაზილიელ მცველს „ასტონ ვილასთან“ მიღებული მუხლის ტრავმის გამო 6 კვირა გაუცდა. თუმცა, როგორც მისგან ვიგებთ, ტკივილები მას სამი შეხვედრით ადრე დაეწყო.
„ამ საშინელი ტრავმის გამო 6 კვირა დავისვენე. ვნახოთ, შეიძლება სეზონის ბოლო მატში ვითამაშო. სიმართლე გითხრათ, მუხლზე ტკივილი პირველად „ლივერპულთან“ მატჩში ვიგრძენი, მაგრამ დანარჩენ სამ შეხვედრაშიც ვითამაშე, მანამ, სანამ „ასტონ ვილასთან“ ტრავმა გაუარესდებოდა.
გუნდის ფეხბურთელები ახლა ბოლო მატჩზე და ამავდროულად, მომდევნო სეზონზე ვფიქრობთ. მჯერა, რომ ყველას საფიქრალი ესაა, რადგან ყველას გვსურს ნამდვილი „მანჩესტერ იუნაიტედი“ ვაჩვენოთ. მიმდინარე სეზონი უკვე დავივიწყეთ, რადგან ის საშინელი იყო“ - დაასრულა რაფაელმა.

წყარო: manutd.com