"მანჩესტერ იუნაიტედის" დროებითმა მწვრთნელმა, რაიან გიგზმა დაადასტურა, რომ ფილ ჯონსი მზად იქნება მსოფლიო ჩემპიონატზე გასამგზავრებლად.
შეგახსენებთ, რომ ჯონსმა ტრავმა "ჰალთან" მატჩის დროს მიიღო და შეხვედრის შემდეგ გიგზმა განაცხადა, რომ ჯონსი მუნდიალს გამოტოვებდა.
თუმცა დღევანდელ პრეს-კონფერენციაზე რაიანი სასიამოვნო ინფორმაციით გამოვიდა: 22 წლის მცველი მოასწრებს მუნდიალისთვის გამოჯანმრთელებას.
"ფილ ჯონსის ტრავმა არც ისეთი სერიოზული აღმოჩნდა, როგორიც მეგონა. კვირას არ ითამაშებს, მაგრამ მსოფლიო ჩემპიონატისთვის მზად უნდა იყოს." - განაცხადა გიგზმა.
გარდა ამისა, გიგზმა დაადასტურა, რომ მსოფლიო ჩემპიონატზე გაემგზავრება უეინ რუნიც, რომელმაც უკვე დაიწყო ვარჯიში.
"რამდენიმე დღის წინ უეინმა ვარჯიში განახლა და მიუხედავად იმისა, რომ მისთვის ჯერ ძალიან ადრეა "საუთჰემპტონთან" მატჩში მოედანზე დაბრუნება, ისიც იქნება მზად მსოფლიო ჩემიონატზე გასამგზავრებლად." - დაამატა გიგზმა.