"მანჩესტერ იუნაიტედის" წლის საუკეთესო ფეხბურთელის დაჯილდოებისადმი მიძღვნილ ვახშამზე, რაიან გიგზმა ცხოვრებისეული ჯილდო კიდევ მიიღო და ისაუბრა იმის შესახებ თუ როგორ უნდა გამოვიდეს "იუნაიტედი" რთული მდგომარეობიდან.
დროებითმა მწვრთნელმა, რომელსაც ჯერ კიდევ არ მიუღია გადაწყვეტილება თავისი მომავლის შესახებ, ემოციები ვერ დამალა MUTV - სთან ინტერვიუში.
"ჩვეულებრივ ემოციური ადამიანი არა ვარ, მაგრამ ამან ჩემი ემოციები გააღვიძა. ამ ჯილდოს მიღება რაღაც განსაკუთრებულია, ერთ-ერთი ყველაზე გამორჩეული ჯილდო რაც ოდესმე მიმიღია. ეს კლუბი ყველას გულამდე აღწევს. ეს მხოლოდ კლუბი კი არა, ოჯახია. უამრავი განსაკუთრებული ადამიანი ყოფილა მისი ნაწილი, ასე რომ ჩემთვის ჯილდოს მიღება ემოციურია ეს განსაკუთრებული საღამოა."
"უამრავი დიდებული მოთამაშის გვერდით მითამაშია, რომლებიც დიდად მხიბლაბდნენ და რა თქმა უნდა სერ ალექს ფერგიუსონი, რომელმაც უდიდესი გავლენა იქონია ჩემს კარიერაზე. იღბლიანი ადამიანი ვარ."
გიგზი დარწმუნებულია, რომ "წითლებს" ყველაფრის გადალახვა და თავიანთი ნამდვილი ფერის ჩვენება 2014/2015 წლების სეზონში შეუძლიათ.
"ვფიქრობ ამას ხაზი გავუსვი სამშაბთს, როცა ვთქვი, რომ ეს იმედგამაცრუებელი სეზონი იყო. თუ ჩავარდნა გაქვს როგორც მოთამაშეს, თუ სწორად განვითარდები შეგიძლია დაბრუნდე. თუ სწორად განვითარებული გუნდი და სწორად განვითარებული კლუბი ხარ, რომელიც ჩვენ ნამდვილად ვართ, ყოველთვის დაბრუნდები უკან".
"ჩემს სადებიუტო სეზონში ჩვენ "ლიდსთან" დავმარცხდით და 18 წლის ბიჭუნდა ვუყურებდი თუ როგორ ტიროდნენ გასახდელში უფროსი კაცები. მაშინ დავინახე, თუ რას ნიშნავდა ფეხბურთი, რას ნიშნავდა გამარჯვება ხალხისთვის. რამდენს ნიშნავდა ეს პროფესიონალებისთვის. ჩვენ მომდევნო წელს დავბრუნდით და მოვიგეთ ჩემპიონატი 26 წლის განმავლობაში პირველად. არასდროს დამავიწყდება რაც სერ ბობიმ გვითხრა, "ჩვენ მომდევნო წელს დავბრუნდებით და ვიბრძოლებთ". აი რას აკეთებს სწორად ჩამოყალიბებული კლუბი, ისინი ბრუნდებიან და ისინი ბრუნდებიან უფრო ძლიერები"