ხუან მატა თავისი მოკლევადიანი "მანჩესტერული" კარიერის განმავლობაში უკვე მეორედ დაასახელეს თვის საუკეთესო ფეხბურთელად "მანჩესტერ იუნაიტედის" გულშემატკივრებმა.

ესპანელი პლეიმეიკერი აპრილის თვის საუკეთესო ფეხბურთელად დასახელდა და მან მადლობა გადაუხადა გულშემატკივრებს თავისი ტვიტერის საშუალებით : "Thanks again! Gracias de nuevo." (გმადლობთ კიდევ ერთხელ - ინგ. და ესპ.)

მატას აკრძალული ჰქონდა "ბაიერნის" წინააღმდეგ ორივე თამაშში მონაწილეობის მიღება, მაგრამ მან რამდენიმე შესანიშნავი შეხვედრა ჩაატარა პრემიერ-ლიგაში, რის შედეგადაც გამოკითხვაში მონაწილე სხვა ფეხბურთელებს, ფილ ჯონსსა და შინჯი კაგავას აჯობა. 26 წლის ესპანელმა ორი ულამაზესი ბურთი გაუტანა "ნიუკასლ იუნაიტედს" საგარეო შეხვედრაში, რომელიც "იუნაიტედმა" 0-4 მოიგო და მხოლოდ 30 წუთი დასჭირდა, რათა შეცვლაზე შემოსვლის შემდეგ დუბლი მიეთვალა "ნორვიჩთან" შეხვედრაში.

მატამ MUTV - ის განუცხადა: "ბედნიერი და მადლობელი ვარ. ამ თვეში ორი შესანიშნავი შეხვედრა ჩავატარეთ - "ნიუკასლთან" გასვლაზე და "ნორვიჩთან" სახლში - ვფიქრობ სწორედ ამის გამო მივიღე ეს ტიტული."

"ოლდ ტრაფორდზე" ჩატარებული პირველივე შეხვედრის შემდეგვე გულშემატკივრები განსაკუთრებით მეპყრობოდნენ. ერთადერთი რისი მიცემაც მათთვის მსურს, მოედანზე თავდადებაა. ჩვენ ვცდილობთ გულშემატკივრებს წარმატება დავუბრუნოთ. ვფიქრობ სწორედ ამას იმსახურებენ ისინი."



manutd.com