რობინ ვან პერსიმ „ჰალ სიტისთან“ მატჩის შემდგომ კომენტარში ახალგაზრდა დებიუტანტი ჯეიმს უილსონი შეაქო. 18 წლის ფეხბურთელმა შეხვედრაში დუბლი შეასრულა და მოგვიანებით, მოედანზე ადგილი ვან პერსის დაუთმო.
„ჯეიმსმა ძალიან კარგად ითამაშა. ვიცი რა რთულია გუნდში დებიუტი - მე ეს ხომ 29 წლის ასაკშიც გამოვცადე! ფეხბურთელისთვის სადებიუტი მატჩი ყოველთვის განსაკუთრებულია, თანაც მაშინ, როცა ორ გოლს იტან."
გუშინ ვიდიჩმა „ოლდ ტრაფორდზე“ ბოლო მატჩი ჩაატარა. ვან პერსიმ მასთან ორი წელი გაატარა და როგორც ჩანს, კარგად გაიცნო.
„ნემანია შესანიშნავი ადამიანია. ყოველთვის ვამბობდი, რომ ის თავაწეული დადის იქ, სადაც სხვებს ფეხის დადგმის ეშინიათ. ასეთია ნემანია. მამაცი და საუცხოო ფეხბურთელი. მან 8 წელი ითამაშა ამ კლუბში და ყველაფერი მოიგო.“
ჰოლანდიელმა „იუნაიტედის“ დროებით მწვრთნელზეც ისაუბრა.
„გუნდს ცოტა დაგვიანებით შევუერთდი. გიგზმა წარმატებულად ჩაატარა მატჩები. რაიანი ბრწყინვალე ფეხბურთელია. ის მოედანზე გახურების გარეშე გამოვიდა! ხომ სწორი ვარ? მოულოდნელად გამოვიდა და ფანტასტიკური პასები გააკეთა, თითქმის გოლიც გაიტანა. ის ლეგენდაა და ამას ყოველდღე ამტკიცებს“ - დაასრულა ვან პერსი.

წყარო: manutd.com