"მანცესტერ იუნაიტედის" მთავარი მწვრთნელის მოვალეობის დროებითმა შემსრულებელმა, რაიან გიგზმა განაცხადა, რომ იგი დაფიქრდება "ჰალთან" მატჩში თამაშზე.

"ჰალ სიტის" წინააღმდეგ ჩატარებული შეხვედრა შესაძლოა უკანასკნელი აღმოჩნდეს რაიანისთვის მოთამაშის რანგში. სულაც არ არსებობს იმის გარანტია, რომ იგი კიდევ ერთი წლით გააგრძელებს კონტრაქტს.

ამასთან დაკავშირებით 40 წლის უელსელი დაფიქრდება მოედანზე გასვლაზე. მას სეზონის ბოლოს გუნდის მართვის უფლება აქვს ისე მოიქცევა, როგორც საჭიროდ ჩათვლის.

"ამაზე ვიფიქრებ, მაგრამ ასევე მსურს ამ მათჩის მოგება, როგორც მწვრთნელს. მინდა გავაკეთო ის, რაც იქნება საუკეთესო ამ მატჩში გამარჯვებისთვის და არა საკუთარი თავისთვის ადგილის გამოძებნა ძირითადში ან სათადარიგოში"

"რა თქმა უნდა, იდეალური სცენარის თანახმად უნდა გამოვიდე და გავიტანო გოლი, გამარჯვების გოლი, მაგრამ ყველაფერი ისე არ ხდება როგორც გვსურს. მოვიცადოთ და ვნახოთ და რა მოხდება იმ ღამეს." - განუცხადა გიგზმა კლუბის ოფიციალურ საიტს.

სამშაბათს გასამართ შეხვედრაში რაიან გიგზი თავის ყოფილ თანაგუნდელს, სტივ ბრიუსს დაუპირისპირდება, რომელმაც "ჰალი" პრემიერ-ლიგაში დატოვა და FA თასის ფინალში გაიყვანა.

"მე ბრიუსსა და ოლე გუნარს ვესაუბრე, ორ ყოფილ თანაგუნდელს. ერთი მათგანი 15 წელია მწვრთნელია და მეორე კი არა. დიდებული იყო, რადგან ორივემ განსხვავებული რჩევა მომცა."

"მივიღებ თუ არა ბრიუსის რომელიმე რჩევას? სამშაბათს საღამოს არა! ბრიუსს გუნდის მართვაზე ვესაუბრე. მე მას ვუთხარი, რომ ყველაზე რთული ფეხბურთელთა სათადარიგოში დატოვებაა, ასე რომ მან ამის შესახებ მომცა რჩევა"

manutd.com