"მანჩესტერ იუნაიტედის" ფეხბურთელები ოჯახებთან ერთად კარინგტონში შეიკრიბნენ კვირას და პატარა წვეულება გამართეს ბავშვებისთვის. ეს წვეულება რაიან გიგზმა მოაწყო, რადგანაც სულ ცოტა ხანში მას პოსტის დატოვება მოუწევს.

"ჰალ სიტისთან" ჩატარებული მატჩი სამშაბათს იქნება ბოლო გამოჩენა "ოლდ ტრაფორდზე" ამ სეზონში. რამდენიმე საათში კი ლუის ვან გაალს ოფიციალურად წარადგენენ "იუნაიტედის" მენეჯერად.

ხელმძღვანელობა ფიქრობს, რომ ლუის ვან გაალი, არის სწორედ ის, ვინც "იუნაიტედს" გადაარჩენს.





ჰოლანდიელი აპირებს რაიანის დატოვებას სამწრთვნელო შტაბში. რასაც ვერ ვიტყვით უამრავ ფეხბურთელზე. ზაფხულში გულშემატკივარი დიდ წმენდას უნდა ელოდოს. ვან გაალი აუცილებლად გაანთავისუფლებს ფეხბურთელებს, რომლებმაც დააღალატეს მოიესი, ან მათ მოუწევთ, რომ დაამტკიცონ რატომ არიან ღირსი "იუნაიტედში" თამაშისა და რატომ იყვნენ ოდესღაც ბოსის პირველი არჩევნები.

მიუხედავად გიგზის პირველივე მატჩში ტრიუმფისა, "იუნაიტედი" საბოლოო ჯამში წლეს საშინელ სეზონს ატარებს. მათ აკლიათ ყველაფერ და ამ ყველაფერში შედის სამწუხაროდ მონდომებაც.

ეშლი იანგს და ნანის უკავშირებენ "იუვენტუსს", ბევრი ლაპარაკი იყო ჩიჩარიტოს გადასვლაზეც, მაგრამ ეს მითქმა-მოთქმა რუნის ტრამვამ დროებით შეწყვიტა. რა შეეხებათ რიო ფერდინანდსა და დარენ ფლეტჩერს, ისინი ნამდვილად შორს არიან საუკეთესო ფორმისგან.

არცერთი მათგანი არ იქნება დაცული ვან გაალის ზედამხედველობის ქვეშ. ჰოლანდიელი მზადაა აიღოს 150 მილიონი ფუნტი და სრულიად გამოიყენოს ეს თანხა რათა არ განადგურდეს სერ ალექს ფერგიუსონის აშენებული იმპერია.



პატრის ევრა-კიდევ ერთი ფეხბურთელი, რომლის მომავალი ბურუსითაა მოცული. თუმცა ერთი რამ აშკარაა, პატრის ევრა წელს ყველაზე ცუდ სეზონს ატარებს "ოლდ ტრაფორდზე".

"ეს მხოლოდ მენეჯერის ბრალი არ არის. ყველამ უნდა აიღოს პასუხისმგებლობა, თითოეულმა ფეხბურთელმა. იქნება ეს ახალგაზრდა თუ ვეტერანი. ამ წელს მხოლოდ მენეჯერი კი არა ყველა ჩავარდა. ყველა კარგად ხედავს, რომ ეს ყველაფერი კატასტროფაა. ღამის კოშმარი, რომელიც აუცილებლად მალევე უნდა დამთავრდეს და დაავიწყდეს გულშემატკივარს. ჩვენ ყოველთვის ვგრძნობდით პასუხისმგებლობას, დევიდ მოიესის დროსაც. როდესაც მე მასთან ვლაპარაკობდი, მე ვცდილობდი ფებხურთელები მოტივირებულნი გამეხადა, დამელაგებინა სიტუაცია მოედანზე. მე სხვას არავის ვეკითხებოდი რჩევას,"-აცხადებს ევრა.



"სერ ალექს ფერგიუსონი "მანჩესტერ იუნაიტედის" გული იყო. არავის სძალუძს მისი ასე სწრაფად ჩანაცვლება და ჩვენ ვიცოდით, რომ ეს რთული იქნებოდა, თუმცა არავინ მოელოდა ასეთ სირთულეს. ჩვენ მოცემულ სიტუაციაზე უკეთესად შეგვიძლია ყველაფრის გაკეთება. შეიძლება ვერ მოგვეგო "პრემეირ ლიგა", მაგრამ მოცემული ფეხბურთელებით შეგვეძლო ოთხეულში მოხვედრა. ჩვენ საკმარისად კარგად არ ვითამაშეთ. რამდენიმე სულელურ თამაშში ქულები დავკარგეთ და ეს არის სწორედ ჩვენი ამ პოზიციაზე ყოფნის მიზეზი. მაგრამ მე ნამდვილად ვფიქრობ, რომ ეს უბრალოდ უბედური შემთხვევაა. მე უბრალოდ ვიცი, რომ "მანჩესტერ იუნაიტედი" არასდროს მოკვდება და ზუსტად ვიცი ისიც, რომ აუცილებლად დავბრუნდებით მომავალ წელს,"-დაასრულა ფრანგმა მარცხენა მცველმა.

DailyMail