"მანჩესტერ იუნაიტედის" მთავარი მწვრთნელის მოვალეობის შემსრულებელი გამოტყდა, რომ "სანდერლენდთან" განცდილ მარცხში გუნდის თამაშით უკმაყოფილოა.
დევიდ მოიესის გარეშეც კი აგრძელებს "მანჩესტერ იუნაიტედი" ანტირეკორდების დამყარებას - 1968 წლის "ოლდ ტრაფორდზე" პირველად იწვნია "წითელმა ეშმაკმა" მარცხი "შავ კატებთან". გიგზის აზრით მის ქვეშევრდომებს კონცენტრაცია და ბოლო პასი აკლდა.
"მე უბრალოდ იმედგაცრუებული, განაწყენებული ვარ. ვერ ვაჩვენეთ თამაშის ის კლასი, რომელიც გასულ კვირას "ნორვიჩთან" იყო. ეს განსაკუთრებით ეხება მეტოქის მოედნის ნახევარს. კონცენტრაცია გვაკლდა იმ ეპიზოდებში, რომელშიც ეს ნამდვილად მნიშვნელოვანი იყო. მაგალითად ბოლო პასის დროს, რომელსაც მეტოქის დაცვის გარღვევა შეეძლო."
"გასულ კვირას ვთქვი, რომ "ოლდ ტრაფორდის" ციხესიმაგრედ გადაქცევა გვსურს. მაგრამ საშინაო მატჩები პრობლემად გვექცა. უბრალოდ არასაკმარისად კარგები ვართ საკუთარ მოედანზე"
"მანჩესტერ იუნაიტედი" - დიდი კლუბია და მჯერა, რომ აქ დიდებული მოთამაშეები მოვლენ. აუცილებელია მომატება მომდევნო სეზონის უკეთ ჩატარება." - ციტირებს გიგზს Sky Sports.