მას შემდეგ რაც დევიდ მოიესი დათხოვნილ იქნა კლუბიდან, 62 წლის გამოცდილი მენეჯერი, ლუის ვან გაალი ხშირად განიხილება "იუნაიტედის" ახალ მწვრთვნელად. გუშინ, ჰოლანდიური პრესის საშუალებით გავრცელდა ინფორმაცია, რომ თითქოსდა ვან გაალმა უკვე გააფორმა კონტრაქტი "წითელ ეშმაკებთან". მაგრამ კლუბმა უარყო ზემოთაღნიშნული ჭორები და განაცხადა, რომ ეს ფაქტი საჯარო მხოლოდ მაშინ გახდება, როდესაც რეალურად იქნება შეთანხმება მიღწეული.

პატივცემულმა ვან გაალმა წარმატებით უხელმძღვანელა ამსტერდამის "აიაქსს", "ბარსელონასა" და მიუნჰენის "ბაიერნს". გაუძღვა რა მათ ტიტულების მოპოვებაში, აგრეთვე "აიაქსს" ჩემპიონთა ლიგის ტიტულის აღმართვაშიც დაეხმარა 1994-95 წლებში. ჰოლანდიური გამომცემლობა De Telegraf ავრცელებს ინფორმაციას: "ჩვენმა თანამემამულე მწვრთვნელმა გასულ ღამეს შეთანხმებას მიაღწია "იუნაიტედთან". ნომერ პირველი ვარიანტი, დევიდ მოიესის შეცვლისა, საქმიანობას მაშინ შეუდგება, როგორც კი ჰოლანდიის ნაკრები გამოეთიშება მსოფლიო ჩემპიონატს."

ასევე ცნობილია ის ფაქტიც, რომ ვან გაალი არ მალავდა სურვილს, გაეგრძელებინა კარიერა ინგლისის პრემიერლიგაში და ბოლო დრომდე მას "ტოტენჰემ ჰოთსფურს" უკავშირებდნენ. მაგრამ ამავე გამოცემა აგრძელებს: "ბოლო კვირაში მომხდარი მოვლენების გამო, "დეზები" მიხვდნენ რომ მათ ცოტა შანსი აქვთ მოიგონ ორთაბრძოლა, რომლის პრიზიც ვან გაალი იქნება."

მანამ, სანამ ჯერ საბოლოოდ არაფერია გადაწყვეტილი, ვან გაალის შანსები 2/9 -სთან არის, რომელიც ლიდერობს სავარაუდო კანდიდატებში. ხოლო მეორე ადგილს კლუბის ამჟამინდელი მენეჯერი, რაიან გიგზი იკავებს, შანსებით 8/1 თან.

წყარო: SkySPORTS