ხავიერ ერნანდესმა გაიხსენა, თუ როგორ გადავიდა "მანჩესტერ იუნაიტედში" 2010 წელს.
"როცა მე გავიგე, რომ ჩემით "მანჩესტერ იუნაიტედია" დაინტერესებული, ეს უფრო მეტი იყო, ვიდრე უბრალო ემოცია. მე მოვახერხე და ნახტომი მექსიკის გუნდიდან მსოფლიოს ერთ-ერთ საუკეთესო კლუბში გავაკეთე. რთულია იმის დაჯერება, თუ როგორ შემოტრიალდა ჩემი კარიერა. არ მოვიტყუებ თუ ვიტყვი, რომ მხოლოდ მაშინ გავაცნობიერე, რომ მე "მანჩესტერ იუნაიტედის" ფეხბურთელი ვარ, როცა ჩემი ოფიციალური პრეზენტაცია შედგა."
"მანამდე კი სერ ალექსს ვესაუბრე და ტრანსფერთან დაკავშირებული ყველა საკითხი განვიხილეთ. მაგრამ ეს ყველაფერი ერთი შემთხვევიდან მეორეში ხდებოდა და ერთ მთელ სურათად არ იყო არ აისახებოდა. კარგი იყო, რომ იმ პერიოდში მექსიკის ნაკრებში თამაშის საშუალება მქონდა და ამ ყველაფერზე არ ვფიქრობდი. მე უბრალოდ ვერ ვიჯერებდი."
"ოფიციალური წარდგენის შემდეგ მე გავაცნობიერე, რომ "მანჩესტერ იუნაიტედის" ფეხბურთელი ვარ. კლუბის სკაუტს, ჯიმ ლოლორს სურდა, რომ ეს ტრანსფერი ჩუმად მოგვარებულიყო, ამიტომ მის შესახებ თავად ოჯახმაც არ იცოდა. ამ ყველაფერმა კი საშუალება მომცა ხმაურისთვის თავი ამერიდებინა და ჩუმად მემუშავა. ძალიან ამაყი ვარ, რომ ასეთმა კლუბმა მომაქცია ყურადღება. პირველივე ვარჯიშიდან მსურდა დამემტკიცებინა, რომ აქ შემთხვევით არა ვარ."
"ბევრი მეუბნებოდა: "პირველი წელი ადაპტაციას დასჭირდება". მაგრამ ამისთვის მთელი წელი სულაც არ დამჭირდა. ისე თამაშს ვაპირებდი, როგორც ადრე. მახსოვს, პრეზენტაციის დღეს ჩემს სახეს ღიმილი არ მოშორებია. ეს ტრანსფერი ტირუმფი იყო ჩემთვის და ჩემი ოჯახისთვის. მე ვამაყობ, რომ "იუნაიტედში" გადავედი."
"გარკვეული ხანი დამჭირდა აქაურ ამინდთან, ვარჯიშთან და ინგლისური ფეხბურთის სტილთან შეგუებისთვის. რა თქმა უნდა ეს ყველაფერი განსხვავდებოდა იმისგან, რაც მექსიკაში იყო. მაგრამ არ ვაპირებდი ადაპტაციისთვის დამეხარჯა მთელი წელი და მსურდა დამემტკიცებინა, რომ ბევრი შემიძლია."