სერ ალექს ფერგიუსონი თვლის, რომ რაიან გიზს ყველაფერი აქვს იმისათვის, რომ "მანჩესტერ იუნაიტედის" სამუდამო მთავარი მწვრთნელი დიდი ხნით გახდეს.
შეგახსენებთ, რომ დევიდ მოიესის გაშვების შემდეგ სწორედ რაიან გიგზმა ჩაიბარა გუნდი. იგი უკანასკნელ 4 შეხვედრაში გუნდს მთავარი მწვრთნელის რანგში გაიყვანს.
ფერგიუსონმა გიგზს მხარი დაუჭირა და აზრი გამოთქვა, რომ გიგზს ეს როლი შეეფერება.
"ვფიქრობ ის სწორედ ისაა, ვისზეც უნდა გაკეთდეს ფსონი. მის ზურგს უკან "მანჩესტერ იუნაიტედში" გამოცდილების 20 წელია. მე ის გუნდში ჯერ კიდევ ბავშვი მოვიყვანე, როცა მხოლოდ 13 წლის იყო. ის ყველა სახის ემოციას განიცდიდა ამ კლუბში - მას ყველა შესაძლო დაცემა აღმავლობა ჰქონდა."
"მან შესანიშნავად იცის რაა საჭირო იმისთვის, რომ "მანჩესტერ იუნაიტედის" ფეხბურთელი იყო. გამიხარდა, რომ ნიკი ნატი და პოლ სკოულზი მოიყვანა დამხმარეებად - ისინი პროფესიონალები არიან."
"მათ ესმით კლუბის, ისინი ბეჯითები არიან და ისინი შენს გვერდით არიან. ამიტომაც ეჭვი არაა, რომ ეს სწორი კომბინაციაა." - ციტირებს ფერგიუსონის სიტყვებს The Guardian.