"ჩელსის" მთავარმა მწვრთნელმა, ჟოზე მოურინიომ უარი განაცხადა "მანჩესტერ იუნაიტედში" მუშაობაზე. იგივე გააკეთა მადრიდის "რეალის" მთავარმა მწვრთელმაც კარლო ანჩელოტიმაც.

ერთი წლის წინ პორტუგალიელი სპეციალისტი სერ ალექს ფერგიუსონის შემცვლელად მოიაზრებოდა, თუმცა მაშინ არჩევანი დევიდ მოიესზე გაკეთდა.

როგორც ვიცით მოიესმა თავი ვერ გაართვა თავის საქმეს და განთავისფლებულ იქნა. ახლა "იუნაიტედი" ისევ ეძებს ახალ მწვრთნელს, მაგრამ მოურინიოს ეს უკვე აღარ აღელვებს.

"რა თქმა უნდა არსად წასვლას არ ვაპირებ. არც კი ვიცი როგორ ფიქრობს საერთოდ ვინმე ამაზე. მე "რეალიდან" სპეციალურად "ჩელსისთვის" წამოვედი. მე 4 წლიან კონტრაქტს მოვაწერე ხელი. მე ვუთხარი მათ, რომ ჩემზე არ იღელვონ, რადგან მე არასდროს მომინდება აქედან წასვლა."

"ამიტომაც იმდენად დიდხანს ვიქნები აქ, რამდენადაც მოინდომებენ. ვერაფერი მაიძულებს აქედან წასვლას." - ციტირებს მოურინიოს Goal.

არ აპირებს "იუნაიტედში" გადასვლას ანჩელოტიც, რომელიც სწორედ მოურინიოს შემდეგ მივიდა "რეალში".

"აქ ნამდვილად ბედნიერი ვარ. გამიმართლა, რომ მსოფლიოს საუკეთესო გუნდს ვწვრთნი. ძალიან ვაფასებ "იუნაიტედს". გული დამწყდა მოიესის გამო, მაგრამ ჩემი ადგილი აქაა." - განაცხადა ანჩელოტიმ.