"მანჩესტერ იუნაიეტდსა" და "საუთჰემპტონს" შორის მოლაპარაკებები თითქმის დასრულდა და "საუთჰემპტონის" მარცხენა მცველი მალე "იუნაიტედს" შეუერთდება. ტრანსფერის თანხა 30 მილიონ ფუნტს შეადგენს.

მოიესის გაშვების შემდეგ, "წითელი ეშმაკუნები" გუნდის გადაწყობას იწყებენ. გლაიზერების ოჯახმა კი 150 მილიონი ფუნტი გამოყო ტრანსფერებისთვის. მისი ნაწილი და უფრო ზუსტად 30 მილიონი ფუნტი, 18 წლის ახალგაზრდა მარცხენა მცველში, ლუკ შოუში დაიხარჯება. როგორც "The Guardian" იუწყება, "იუნაიტედი" საზაფხულო ტრანსფერებზე საბოლოოდ გაიფორმებს ინგლისელს და გადმოიყვანს "ოლდ ტრაფორდზე".

როგორც პრესა იუწყება, "იუნაიტედს" ლუ შოუსთვის "ჩელსი" ეცილებოდა, თუმცა ლურჯები მას შემდეგ გამოეთიშნენ ბრძოლას, რაც გაიგეს, რომ "წითლები" ახალგაზრდას კვირაში 100 ათას ფუნტს გადაუხდია.

ამ ტრანსფერში განსაკუთრებული როლი მიუძღვის რამდენიმე დღის წინ განთავისუფლებულ დევიდ მოიესს. შოტლანდიელმა შეძლო შოუს დარწმუნება და მისი "იუნაიტედისკენ" გადმობირება. აღსანიშნავია ისიც, რომ შოუს გარანტირებული აქვს ადგილი ძირითადში, რადგანაც ევრა ამ ზაფხულს კლუბს დატოვებს.

Fapl.ru