იურგენ კლოპის შემდეგ "მანჩესტერ იუნაიტედის" ჩაბარებაზე უარი განაცხადა "ბაიერნის" მთავარმა მწვრთნელმა, პეპ გვარდიოლამაც.
დევიდ მოიესის გაშვებისთანავე The Telegraph - მა ცნობა გაავრცელა იმის შესახებ, რომ "მანჩესტერ იუნაიტედმა" პეპ გვარდიოლას მიმართა.
თუმცა ჩემპიონთა ლიგის ნახევარფინალური მატჩის გამართვის წინ პრეს-კონფერენციაზე გვარდიოლამ განაცხადა, რომ სამუშაოს გერმანიაში გააგრძელებს.
"უთხარით ინგლისელებს, რომ არავითარი შანსი არ არსებობს"
"მე სამ წლიან კონტრაქტს მოვაწერე ხელი. მე აქ ვარ, მე "ბაიერნს" ვეკუთვნი და მსურს კიდევ ორი წელი აქ ვიმუშავო. ჩვენ ბუნდესლიგა მოვიგეთ, მაგრამ ვგრძნობ, რომ ჯერ კიდევ შეგვიძლია მომატება. კიდევ მაქვს სამუშაო."
"იდეალურად ვიცი ესპანური ფეხბურთი, ამგრამ რთული იყო გერმანიში წასვლა და კულტურასა და სტილზე შეჩვევა. ვგრძნობ, რომ უფრო მეტი დროის მუშაობა დამჭირდება ჩემს გუნდთან ერთად. აბსოლუტურად დარწმუნებული ვარ, რომ ახლა "ბაიერნი" ჩემი გუნდია და ჩვენ მომატება შეგვიძლია, ასე რომ, სამუშაო ნამდვილად მაქვს." - ციტირებს გვარდიოლას The Guardian.