რამოდენიმე დღეა აქტიურად ვაკვირდები სხვადასხვა საიტებზე გამოთქმულ აზრებს "იუნაიტედის" კრიზისის შესახებ და საკმაოდ საინტერესო მოსაზრებებს მივაგენი. მოდით, ზედმეტი შესავლის გარეშე შემოგთავაზებთ "შედევრებს".

1. ერთ-ერთ ქართულ სპორტულ ვებ-გვერდზე გუშინ გამოქვეყნდა სიახლე, სადაც უეინ რუნი საუბრობდა ევროპა ლიგის მოგების სირთულეზე. სწორედ ამ სიახლის კომენტარებში წავაწყდი ამგვარ "აღმოჩენას".



ამ კომენტარის ავტორი, ფაქტია , ფეხბურთს დიდი ხანია ადევნებს თვალყურს და ახსოვს ფერგიუსონის მიერ მოსყიდული მსაჯები. ალბათ, თავადაც შესწრებია ისეთ ფაქტებს, როცა ალექს ფერგიუსონი მსაჯებს ეჩხუბებოდა და ემუქრებოდა, სწორედ ამიტომ ამბობს, რომ მსაჯებს მისი შიში აღარ აქვთ.. საწცენზურაბი, კიდევ კარგი წავიდა ფერგიუსონი, თორემ მსაჯს მსაჯობა აღარ უნდოდა ფერგის შიშით.

პ.ს : მართალია ეს კაცი, ძლივს გამოჩნდა მანჩესტერის ნამდვილი სახე. ამ ადამიანმა ყოველთვის იცოდა, რომ "მანჩესტერი" არ იყო პირველი ადგილის ღირსი, მიუხედავად იმისა, რომ ბოლო 23 წელიწადში 13-ჯერ გავხდით ეპლ-ს გამარჯვებულები, 4-ჯერ ლიგის ფინალისტები, 2-ჯერ ლიგის ჩემპიონები და ა.შ... აქვე მინდა აღვნიშნო, რომ ამ კომენტარის ავტორი "ჩელსის" ფანია... ალბათ, სწორედ "ჩელსი" წარმოუდგენია საჩემპიონო გუნდად, ყოველთვის იცოდა, რომ მანჩესტერზე მეტად იმსახურებდა "ჩელსი" ჩემპიონობას.. ხო მართლა, "ჩელსი" რომელ ადგილზე იყო 2011/12 წლის სეზონში ნეტავ რატომ დამავიწყდა? :(

2. ამავე სიახლეში გადავაწყდი ძალზედ სერიოზულ განცხადებას.. ამ განცხადებაში განსაკუთრებული არაფერია, ტიპური დაბოღმილი უვიცი პიროვნების მიერ დაწერილია, რომელიც ფეხბურთს კეფით უყურებს. თუმცა ერთი რამ მაინც საგულისხმოა...



ეს პიროვნება ისეთი გუნდის ფანია, რომელიც წლიდან წლამდე ქვას-ქვაზე არ ტოვებს ჩემპიონთა ლიგის გათამაშებაში.... საწყალი სხვა გუნდები, ერთხელ არ მიაკარა ამ გუნდმა ისინი ჩემპიონის ტიტულს...

3. არ ვიცი შემდეგ ფოტოზე რა კომენტარი უნდა გავაკეთო. ჩვენი გვერდის მომხმარებელმა, მარიამ გეგუჩაძემ სოციალურ ქსელში დაწერა გიგზის საქები სიტყვები, რასაც "მერსისაიდელების" ქომაგი გამოეხმაურა. ნაწერს გთავაზობთ უცვლელად.



დარწმუნებული ვარ, სტივენ ჯერარდმა ორმოცი წლის ასაკში კიდევ რომ ითამაშოს, სწორედ ეს ადამიანი დაიწყებს მის ქება-დიდებას. პრინციპში რა უნდა ვთქვათ, მისი კომენტარი ისეტივე დონისაა, რა დონის ფეხბურთელის სახელიც აწერია ნიკ-ნეიმზე.

დღეისათვის სულ ესაა. თუ მოგეპოვებათ მსგავსი შინაარსის ფოტოები, გთხოვთ მოგვაწოდოთ.

პ.ს : სტატია ირონიული ხასიათისაა და მიზნად არ ისახავს ვინმეს შეურაცხყოფას.