"იუნაიტედი" შორეულ ჰორიზონტზე იყურება.
"მანჩესტერ იუნაიტედი" პირველ რიგში გადახედავს ხელმისაწვდომია თუ არა "ბაიერნის" მთავარი მწვრთნელი, ხოსეპ გვარდიოლა ვაკანტურ პოსტზე.
დევიდ მოიესის გაშვებისა და რაიან გიგსის დროებით დანიშვნის შემდეგ "იუნაიტედი" ახალ მწვრთნელს ეძებს. პირველ რიგში "ეშმაკები" ხოსეპ გვარდიოლას მიმართავენ - ამტკიცებს The Telegraph.
წყაროს ცნობით "იუნაიტედი" შეეცდება ესპანელის სურვილისა და მისი ხელმისაწვდომობის გაგებას და მხოლოდ ამის შემდეგ განიხილავს სხვა ვარიანტებს.
იმის გათვალისწინებით, რომ გვარდიოლა ჯერ მხოლოდ პირველ სეზონს ატარებს "ალიანს არენაზე" კონტრაქტით გათვალისწინებული სამიდან, მისი გადმოსვლა ნაკლებად დამაჯერებელი ჩანს. თუმცა გვარდიოლას საბაბი ნამდვილად აქვს შემოთავაზებაზე დაფიქრდეს.
იტყობინებიან, რომ გვარდიოლას ძალების მოსინჯვა ინგლისში სურს, ოღონდ მხოლოდ "იუნაიტედთან" ერთად. ამას გარდა იგი უკმაყოფილოა "ბაიერნზე" მისი ყოფილი ფეხბურთელების გავლენის გამო.
გამოცემა ასევე იტყობინება, რომ "იუნაიტედი" მზადაა "ატლეტიკოს" მთავარ მწვრთნელს, დიეგო სიმეონესაც შეეხმიანოს, მაგრამ არგენტინელს ერთი დიდი "ნაკლი" აქვს გვარდიოლასთან შედარებით - მან ინგლისური ენა არ იცის.
fapl.ru