თბილისი:
მანჩესტერი:
21-04-2014, 12:57
ავტორი: chudikone,
ნანახია: 1768,
კომენტარები: 7
დაცემა ნებადართულია, წამოდგომა - სავალდებულო
მატას მორიგი ბლოგი
დაცემა ნებადართულია, წამოდგომა - სავალდებულო
მოგესალმებით ყველას!

ყველამ ვიცით, რომ ზოგჯერ მოიგებ და ზოგჯერ წააგებ, ეს სპორტის ნაწილია, თუმცა მე მძულს ეს გრძნობა.

მე დღეს ძალიან იმედგაცრუებული ვარ. ასე ხდება, როდესაც 2 კვირის მანძილზე მოუთმენლად ელოდი მატჩს, ემზადებოდი და საბოლოოდ მოვლენები ისე არ ვითარდება, როგორც შენ გეგონა. ზუსტად ეს მოხდა გუდისონ პარკზე და როგორც უკვე ნათელია, ეს პირველი შემთხვევა არ იყო. თავდაპირველად მატჩი კარგად დავიწყეთ და მოუთმენლად ველოდით გამარჯვებას, მათ მიერ გატანილმა თერთმეტმეტრიანმა ყველაფერი შეცვალა, რა თქმა უნდა მათ სასიკეთოდ. "ტკბილეულებმა" თავდაჯერებულობა მოიპოვეს, განსაკუთრებით მეორე გატანილი გოლის შემდეგ.

მიუხედავად ჩვენი შანსების და მცდელობებისა ჩვენ "ქამბექი" ვერ შევასრულეთ და ახლა პრემიერ ლიგის ცხრილი იმ შედეგს გვიჩვენებს, რომელსაც არც ფანები იმსახურებენ და არც თავად კლუბი. ჩვენ ბოლომდე ვიბრძოლებთ, ეს არის ყველაზე მცირე რისი გაკეთებაც შეგვიძლია, რადგან მე მიმაჩნია რომ კლუბმა ამ სეზონში მრავალი კარგი მატჩი ჩაატარა, განსაკუთრებით ოლდ ტრაფორდზე. ჯერ კიდევ არის დარჩენილი სამი საშინაო მატჩი (ნორვიჩი, სანდერლენდი, ჰალ სიტი). სამწუხაროდ, პრემიერ ლიგის ცხრილში რაც შეიძლება ზევით აწევა დარჩა ჩვენი ერთადერთი მიზანი, რის მიღწევასაც აუცილებლად ვეცდებით.

ჩვენ ჯერ კიდევ გამოვირჩევით საგარეო შეხვედრებით, მაგრამ გუშინ ეს წარმატებული სერია დასრულდა. სამართლიანი იქნება თუ ვიტყვით, "ევერტონი" ამ სეზონში ნამდვილად იმსახურებს მეტ შეფასებას და აღიარებას.

მე აგრეთვე მინდა მივულოცო "რეალ მადრიდს" კოპა დელ რეის თასის აღმართვა. ლა ლიგაში კი "ატლეტიკო" კიდევ უფრო უახლოვდება ჩემპიონობას, მიუხედავად იმისა, რომ "ელჩე" რთული მეტოქე გამოდგა.

ბოლო შვიდ დღეში ჩვენ ბევრი ცუდი ამბავი შევიტყეთ. გარდაიცვალა გაბრიელ გარსია მარკესი, ერთ-ერთი საუკეთესო მწერალი მსოფლიო ისტორიაში. მისი ნოველა "მარტოობის ასი წელი", დანარჩენებთან ერთად, დარჩება უკვდავი.

ჩვენ აგრეთვე დავკარგეთ რობინ "ქარიშხალ" კარტერი. სამართლიანობისთვის მისმა ბრძოლამ უამრავ ადამიანს შთააგონა ეკეთებინა იგივე. ორივემ ნათელში განისვენეთ. არასოდეს დაგივიწყებთ.

მე ახლა მომავალი მატჩის მოლოდინით დაგემშვიდობებით. იმედი მაქვს მალე მოგვიახლოვდება, თორემ ასეთი განწყობა ცუდად მოქმედებს ჩემზე. და რა თქმა უნდა, მადლობას გიხდით თქვენი წერილებისთვის და მხარდაჭერისთვის ბედნიერ და განსაკუთრებით რთულ მომენტებში. თქვენს გარეშე ყველაფერი გაცილებით რთულად იქნებოდა.

სიყვარულით,

ხუანი.
მატას ბლოგი
7 კომენტარი
№1
ავტორი: ALEXFERGUSON
21 აპრილი 2014 13:24
  • სიახლეები: 0
  • კომენტარები: 865
ეს კაცი აშკარად არ იმსახურებს მოიესი ხელში ყოფნას. აქამდე არვიცოდი თუ რამხელა სულის ადამიანი ყოფილა გარდა იმისა რო საუკეთესო ფეხბურთელია. რა ქნას ამან მეტი, რასაც მოიესი უნდა აკეთებდეს,ეს აკეთებს და გუნდს ბრძოლისკენ მოუწოდებს. ევერტონს გოლი ვერ გავუტანეთ, თან იმ ევერტონს რომლის 11 წლის სტაჟიანი მწვრთნელი, ახლა ჩვენი მწვრთნელია. მთელი სეზონი და 40 თამაშზე მეტი ქონდა ამ კაცს,რომ რამე დაემტკიცებინა. მე ამის ტაქტიკა ვერ ვნახე. მოგებულ იგრებს რაც შეეხება,სუფთა ფეხბურთელების კლასის დამსახურება იყო და არა მოიესის. გაუშვით ეს კაცი აქედან. 11 წელი ევერტონი 4 ადგილზე არასდროს ყოფილა, ეს წავიდა და გუნდმა ცხრილის ზევით აიწია. მიხვდით რო არაა ეს კაი მწვრთნელი არა. ეხლა ევროპა ლიგაზეც ან გავლენ და ან ვერა.
0
№2
ავტორი: DimaSanaia
21 აპრილი 2014 13:24
  • სიახლეები: 58
  • კომენტარები: 289
მაგარი კაცი ხარ ხუან... მოიესზე მაგარ მწვრთნელს იმსახურებ შენ... ეეეჰ :(
0
_ _ _ _ _ _ _ _ _ _ _ _ _ _ _ _ _ _ _ _ We will never Die !

manunited
№3
ავტორი: love united
21 აპრილი 2014 13:55
  • სიახლეები: 304
  • კომენტარები: 5069
ამან სულ რომ არ ითამაშოს მაინც უნდა იყოს გუნდში :დ მაგარი კაცია ძაან. შემდეგი სეზონიდან უფრო მეტს ველოდები მატასგან.
0
№4
ავტორი: RojoDiablo
21 აპრილი 2014 13:59
  • სიახლეები: 7007
  • კომენტარები: 8685
აუ ჩუდიკონე სანამ ბოლოში ჩავიდოდი მეგონა შენი სტატია იყო და მეთქი გარსია მარკესი რამ გაახსენა თქო.

აუ ხუან აი არ ვიცი რავ თქვა რა. შენი სიტყვები უსაზღვროა, მაგრამ ვწუხვარ, რომ იმედები ვერ გაგიმარტლა კლუბმა, მაგრამ იყავი ჩვენთან, ყველაფერი გამოსწორდება და ჩვენ მწვერვალზე ავალთ. იქ კი შენი წვლილი უდიდესი იქნება.
0
_ _ _ _ _ _ _ _ _ _ _ _ _ _ _ _ _ _ _ _
If You Can't Support Us When We Lose, Don't Support Us When We Win
№5
ავტორი: Manchester United 14
21 აპრილი 2014 15:14
  • სიახლეები: 0
  • კომენტარები: 982
ფერგუსონის ბრალია რა ეს დებილი რო დატოვა . სხვებს რო კითხო ეშმაკური სულ აქვს კიდე მოიეს იტყვიან
0
_ _ _ _ _ _ _ _ _ _ _ _ _ _ _ _ _ _ _ _ MU – MUF - MUFC - Ok!
manunited
№6
ავტორი: red devil
21 აპრილი 2014 15:38
  • სიახლეები: 0
  • კომენტარები: 4680
მაგარი ფეხბურთელი და მაგარი ადამიანი
0
№7
ავტორი: RedGirl
21 აპრილი 2014 17:45
  • სიახლეები: 893
  • კომენტარები: 1384
ამის მოტივაცია და სულისკვეთება მართლა ძალიან მომწონს და გუშნ მართლა ერთადერთი იყო ვინც კარგად ითამაშა. რავიცი რავიცი :|
0
_ _ _ _ _ _ _ _ _ _ _ _ _ _ _ _ _ _ _ _
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

7 დეკემბერი 2019, 21:30
სიტი
იუნაიტედი
პრემიერ ლიგა
12 დეკემბერი 2019, 23:59
იუნაიტედი
ალკმაარი
ევროპა ლიგა
14 დეკემბერი 2019, 19:00
იუნაიტედი
ევერტონი
პრემიერ ლიგა
სიტი7 დეკემბერი
ალკმაარი12 დეკემბერი
ევერტონი14 დეკემბერი
SportsRecents.com

შემოგვიერთდი

წინა მატჩები

4 დეკემბერი 2019, 23:30
იუნაიტედი2
ტოტენჰემი1
პრემიერ ლიგა
1 დეკემბერი 2019, 20:30
იუნაიტედი2
ასტონ ვილა2
პრემიერ ლიგა
28 ნოემბერი 2019, 19:50
ასტანა2
იუნაიტედი1
ევროპა ლიგა
ტოტენჰემი4 დეკემბერი
ასტონ ვილა1 დეკემბერი
ასტანა28 ნოემბერი

პრემიერ ლიგა

დამალვა
ვიდეო პორტალი
ყველა უფლება დაცულია

© MANUTD.GE 2012

Top